मन्त्रिपरिषदबारे तीन नेताबीच छलफल, नेकपा एसको गृहमा दावी

३ चैत, काठमाडौं । सत्ता गठबन्धनका तीन शीर्ष नेताबीच मन्त्रिपरिषद विस्तारबारे छलफल भएको छ । उपराष्ट्रपतिको निर्वाचनमा मतदान गरेपछि उनीहरुबीच छलफल भएको हो । प्रधानमन्त्री पुष्पकमल दाहाल प्रचण्ड, नेपाली कांग्रेसका सभापति शेरबहादुर देउवा र नेकपा एकीकृत समाजवादीका अध्यक्ष माधवकुमार नेपालबीच विश्वासको मतका लागि वतावरण तयार गर्ने र मन्त्रिपरिषदमा कसरी सहमति जुटाउने भन्ने विषयमा छलफल केन्द्रित भएको बताइएको छ । छलफलका क्रममा अध्यक्ष नेपालले गृहमा दावी राखेका छन् ।

उपराष्ट्रपति निर्वाचनमा मतदान गरेपति तीन नेता केहि छलफल गर्नुछ भन्दै संसद भवनभित्र रहेको प्रधानमन्त्री कक्षमा गएका थिए । उनीहरूसँग अन्य केहि नेताहरुपनि पनि सहभागि रहेका थिए । छलफलमा सहभागि एक नेताका अनुसर छलफल सुरु भएपछि नेकपा एकीकृत समाजवादीका अध्यक्ष माधव कुमार नेपाल पहिले भत्किएको गठबन्धनलाई जोडेर फेरी यहासम्म ल्याउने काम भयो । तपाइहरुका सबै माग पुराभइसके अब मेरो माग्ने पालो आयो भन्दै विषय प्रवेश गराएका थिए ।

उनले विश्वासको मत पनि सहज रुपमा पाउने अवस्था छ । सरकार विस्तारको कुरामा सहमति गरेर टुंग्याउनेपर्छ भन्दै अब सरकारलाई अलमल्याएर राख्न नहुने बताएका थिए । आफ्नो पार्टीले  राष्ष्ट्रपति, उपराष्ट्र, सभामुख र उपसभामुखसम्म सहमति अनुसारको भूमिका निभाएको र पार्टीमा पनि अब सरकारमा जाँदा राम्रो र वजनदार मन्त्रालय दिनेपर्ने माग भइरहेकाले गृहसहित अरु दूई मन्त्रालय नेकपा एसले पाउनुपर्ने माग दुइ नेताबीच राखेका थिए ।

उनले अर्थ, परराष्ट्र, रक्षा, भौतिक र सञ्चार तथा सूचना प्रविधि मन्त्रालयमध्ये कांग्रेस र माओवादीले कुन कुन लिने हो त्यो लिनु तर, गृह मन्त्रालय नपाउने अवस्था आए आफुलाई पार्टीभित्र पनि गाह्रो हुने नेपालले बताएका थिए । प्रधानमन्त्री प्रचण्डले चैत ६ मा विश्वासको मत लिँदैछन् । त्यसपश्चात् सरकार विस्तार गर्ने गठबन्धन दलभित्र तयारी छ । रास्वपा, राप्रपा र एमालेले सरकार छाडेपछि १६ मन्त्रालय खालि छन् । संसद् बैठक भने ५ गतेका लागि बोलाइएको छ । उपराष्ट्रपतिको मतपरिणमा सार्वजनिक भएपछि नेताहरु विवासको मत र मन्त्रिपरिषद विस्तारको सहमतितर्फ लाग्ने बताइएको छ ।