चैत्र १० भित्र मन्त्रिपरिषद विस्तार भइसक्छः प्रधानमन्त्री प्रचण्ड

३ चैत, काठमाडौं । प्रधानमन्त्री पुष्पकमल दाहाल ‘प्रचण्ड’ले चैत ६ मा विश्वासकाे मत पाएपछि चैत्र १० भित्र मन्त्रिपरिषदले पूर्णता पाउने बताएका छन् । उनले मन्त्रिपरिषद विस्तारबारे गठबन्धनमा रहेका दलहरुसँग निरन्तर संवाद भएरको सबैको सहमतिमा सरकारले पूर्णता पाउने बताएका छन् ।

शुक्रबार लगानी बोर्डको बैठकपछि सञ्चारकर्मीसँग कुरा गर्दै प्रधानमन्त्री प्रचण्डले आफूले चैत्र ६ गते विश्वासको मत लिने र त्यसको चार दिन भत्रमा मन्त्रिपरिषदलाई पूर्णता दिने बताए । उनले कुन दलले कति मन्त्रालय पाउनेबारे भने केहि बताएका छैनन् । सबै सँगको सहमतिबाट १० चैतभित्र मन्त्रिपरिषदले पूर्णता पाउने बताए ।

प्रधानमन्त्री प्रचण्डले सबै दलहरुसँग बसेर सत्ता विस्तारको बारेमा पनि छलफल गर्ने पनि बताए । उनले भने, ‘विश्वासको मतपछि सरकारलाई पूर्णता दिनेछु । विश्वासको मत ६ गते लिने भनिएको नै छ । त्यसको ४ दिन भित्रमा सरकारलाई पूर्णता दिन्छ । प्रधानमन्त्री प्रचण्डले सरकार विस्तार हुन कुनैपनि अफ्ठ्यारो नरहेको भन्दै सबैदल सरकारलाइृ पूर्णता दिएर विकास निर्माणका कामतर्फ लाग्नुपर्नेमा एक मत भएको बताए ।