साम्य भयो ओली र देउवाको कुर्सीको विवाद: सत्ता पक्षमा कांग्रेस, प्रतिपक्षमा एमाले

५ चैत, काठमाडौं । प्रतिनिधिसभामा सत्ता पक्ष र प्रतिपक्षको कुर्सी विवाद आजबाट समाधान भएको छ । नेपाली कांग्रेस र नेकपा एमालेबीच प्रतिपक्षको कुर्सीमा को बस्ने भन्ने विवाद आउँदा सभामुख देवराज घिमिरेले फागुन १७ गते डाकिएको प्रतिनिसिभाको बैठक चैत ५ गतेसम्मका लागि स्थगित गराएका थिए । प्रधानमन्त्री पुष्पकमल दाहाल ‘प्रचण्ड’लाई विश्वासको मत दिएको कांग्रेस प्रतिपक्षको बेन्चमा बसेपछि सरकारबाट बाहिरएको एमाले पनि प्रतिपक्षको बेन्चमा नै बस्न आउने भएपछि विवाद आएको थियो ।

संसदमा नेपाली कांग्रेसका सभापति शेरबहादुर देउवा र नेकपा एमालेका अध्यक्ष केपी शर्मा ओलीले आफुलाई प्रतिपक्षी दलको नेताको दावी गरेपछि कांग्रेस र एमाले दुवै दल प्रतिपक्षको कुर्सीमा बस्ने अडानमा बसेका थिए । यसैकारण बैठकमा विवाद आउने भन्दै फागुन १७ गते प्रतिनिधिसभाको बैठक स्थगित गरिएको थियो । आइतबार विहान बसको कांग्रेस केन्द्रीय कार्यसम्पादन समितिको बैठकले प्रधानमन्त्रीलाई विश्वासको मत दिने र सत्ता पक्षको कुर्सीमा बस्ने निर्णय गरेपछि आजबाट प्रतिनिधिसभामा कांग्रेस र एमालेको आसन फेरिएको हो । ४ मंसिरमा सम्पन्न प्रतिनिधिसभाको चुनावपछिको अधिवेशनमा कांग्रेस प्रतिपक्षमा र नेकपा एमाले सत्तापक्षमा बस्दै आएका थिए ।

पुस ७ गते भएको सांसदहरुको शपथ ग्रहण कार्यक्रममा कांग्रेस, माओवादी लगायतका दलहरु सत्तापक्षको बेञ्चमा बसेका थिए । तर, पुस १० गते एमाले र माओवादी मिलेर पुष्पकमल दाहाल प्रचण्डको नेतृत्वका सरकार बनेपछि कांग्रेस प्रतिपक्षमा पुगेको थियो । अहिले कांग्रेस प्रचण्ड नेतृत्वको सरकारमा पनि सहभागि हुँदैछ । राष्ट्रपति चुनावअघि फेरि सत्ता समीकरण फेरिएर कांग्रेस नेतृत्वमा अर्को गठबन्धन बनेको छ । राष्ट्रपतिमा नेकपा माओवादीले कांग्रेसलाई सघाउने भएपछि पुष १० को सहमति तोडिएको भन्दै ओलीले एमालेका मन्त्रीहरुलाई फिर्ता बोलाएर सरकारलाई दिएको समर्थन पनि फिर्ता लिएका थिए ।

नेकपा एमाले र राप्रपाले सरकारलाई दिएको समर्थन फिर्ता लिएपछि प्रतिपक्षमा बस्नेको विवाद चुलिएको थियो । विचमा लोमा समय स्थगित गराएर आजबाट सुरु भएको प्रतिनिधिसभा बैठकमा यो विवाद केहि समयका लागि हल भएको छ । आजको प्रतिनिधिसभा बैठकमा एमाले पहिलो पटक प्रतिपक्षी बेन्चमा बसेको छ । एमालेसँगै राप्रपा पनि प्रतिपक्षी बेन्चमा बसेको छ । प्रतिनिधिसभामा प्रतिपक्षीको आसन सभामुखको बायाँतर्फ र सत्तापक्षको दाँयातर्फ रहने व्यवस्था गरिएको छ ।

नेपाली कांग्रेस र एकीकृत समाजवादी आजबाट सत्तापक्षको बेन्चमा बसेका छन् । यी दुबै दलले प्रधानमन्त्री प्रचण्डलाई विश्वासको मत दिने निर्णय गरिसकेका छन् । नेपाल मजुर किसान पार्टीले पनि प्रतिपक्षको माग गरिरहेको थियो । उ सुरु बाट नै प्रतिप्रक्षामा बस्दै आएको छ । नेमकिपाले राष्ट्रपति र उपराष्ट्रपतिको निर्वाचनमा पनि सहभागिता जनाएको थिएन भने उसले पनि सरकारलाई श्विासको मत दिएको थिए । भोली प्रधानमन्त्रीले लिने विश्वासको मत पनि उसले नदिने तयारी गरेको छ ।