एनएमएसआरएको राष्ट्रिय उपाध्यक्षमा बीरगञ्जका मनोज र सचिवमा नरेन्द्र निर्वाचित

५ चैत, बीरगञ्ज । चितवनको नारायणघाटमा शनिबार सम्पन्न नेपाल औषधी तथा विक्री प्रतिनिधि सङ्घ ‘एनएमएसआरए’ को २८ औँ केन्द्रीय राष्ट्रिय महाधिवेशनले सङ्गठनको लागि नयाँ नेतृत्व चयन गरेको छ । चैत ३ र ४ गते भएको महाधिवेशनले श्याम मण्डलको अध्यक्षतामा सर्वसहमतीले ११ सदसिय नयाँ नेतृत्व चयन गरेको हो ।

मण्डल अध्यक्ष रहेको नयाँ कार्यसमितिको वरिष्ठ उपाध्यक्षमा धूर्व प्रसाद गुराथोकी, उपाध्यक्षमा मनोज साह र मिन साह, महासचिवमा निरज पन्त, सचिवमा जीवन ज्ञावाली, दुपेन्द्र रिजाल र नरेन्द्र कुशवाह, कोषाध्यक्षमा हिरण्य प्रसाद लुँईटेल र सह-कोसाध्यक्षमा सुभाष कुमार गुप्ता रहेका छन् ।

उपाध्यक्षमा निर्वाचित मनोज साह र सचिवमा निर्वाचित नरेन्द्र कुशवाहा बीरगञ्जका स्थानीय निवासी हुन् । महाधिवेशनमा देशभरका १४ एकाईबाट पाँच सय प्रतिनिधिले सहभागिता जनाएको निवर्तमान अध्यक्ष अनिल दाहालका अनुसारले जानकारी दिए ।