जंगबहादुर शैलीका प्रचण्डलाई विश्वासको मत दिन सकिँदैनः ओली

६ चैत, काठमाडौं । नेकपा एमालेले प्रधानमन्त्री पुष्पकमल दाहाल ‘प्रचण्ड’लाई विश्वासको मत नदिने भएको छ । संसद् भवनस्थित ल्होत्से हलमा बसेको संसदीय दलको बैठकमा अध्यक्ष केपीशर्मा ओलीले प्रचण्डलाई विश्वासको मत दिन नसकिने बताएका छन् । उनले प्रधानमन्त्री पुष्पकमल दाहाल प्रचण्डलाई जंगबहादुरको संज्ञापनि दिएका छन् । प्रधानमन्त्री प्रचण्डको जंगबहादुर शीलीका कारण अविश्वासनीय व्यवहारबाटै आजको अवस्था सिर्जना भएको उनको भनाइ छ ।

अध्यक्ष ओलीले प्रधानमन्त्री प्रचण्डलाई जंगबहादुरको संज्ञा दिँदै लेफ्टहरू मिल्नु हुन्न भनेर उनले अरुलाई सिकाइ रहको आरोप पनि लगाएका छन् । ओलीले भने, ‘उहाँ जुनको अध्यक्ष हुनुहुन्छ, त्यो पार्टीका उहाँबाहेक अरूमा केही दोष छैन । प्रधानमन्त्री जंगबहादुर शैलीमा हुनुहुन्छ, उहाँले जे भन्यो त्यही हुन्छ । बोल्न पनि दिनु हुन्न । बोलेझैँ गरे त्यसको पत्ता साफ हुन्छ ।’

आफूले प्रधानमन्त्री बनाएको भोलिपल्टैदेखि प्रचण्डले इमान छाडेको आरोप पनि उनले लगाए । चुनावी तालमेलको सरकार बनाउन नचाहेको र वामपन्थी सरकार ढालेर दक्षिणपन्थीसँग गला जोडेको उनको आरोप छ । प्रधानमन्त्री हुनुथ्यो । प्रधानमन्त्री भएको भोलिबाट इमान छाड्नुभयो । बेइमानी सुरु गर्नुभयो, ओलीले भने । उनले प्रचण्डलाई आफूले ल्याएर प्रधानमन्त्री बनाएको भोलिपल्टबाटै इमान छाडेको टिप्पणी गरे । प्रचण्ड नातावाद, कृपावाद रमाएर एमाले विरोधी गतिनिधिमा लागेको उनको आरोप छ ।

उनले भने, ‘अरूसँग मिलेको भन्ने आरोप लाग्छ । एकता गर्नु हुन्न । कदम कदाचित एकता भयो भने पनि तोड्ने उद्योगमा लाग्नुहुन्छ । तोडेर जानुहुन्छ । चुनावी तालमेल गर्दा पनि सरकार बनाउन चाहनुभएन ।’ प्रचण्डले पार्टी एकीकरण गरेपछि टिक्न नदिएको आरोप ओलीको छ । वामपन्थी सरकार ढालेर प्रतिगमन भयो भन्दै दक्षिणपन्थी सरकार बनाउन प्रचण्डको अहंम भूमिकार रहेको उनले बताए । उनले भने, ‘हाम्रो पहलमा वामपन्थी सरकार उहाँकै नेतृत्वमा बनायौँ तर, प्रधानमन्त्री भएकै भोलिपल्ट उहाँले इमान छाड्नुभयो। इमानमा रहन सक्नुभएन । अब उहाँलाई कसरी विश्वासको मत दिने ? ।’