हामीले राष्ट्रपतिमा सहमति गरेर जाने कुरागर्दा एमाले भाग्योः नेता पौडेल

६ चैत, काठमाडौं । नेकपा माओवादी केन्द्रलेका नेता देवेन्द्र पौडेलले राष्ट्रपति र उपराष्ट्रपतिलगायतका पदमा राष्ट्रिय सहमति गरौं भन्दा एमाले भागेको आरोप लगाएका छन् । पौडेलले प्रधानमन्त्री पुष्पकमल दाहाल ‘प्रचण्ड’ले अगाडि सारेको राष्ट्रिय सहमतिको प्रस्तावमा आउनुको सट्टा एमाले भागेको बताए ।

प्रतिनिधिसभाको सोमबारको बैठकमा प्रधानमन्त्री पुष्पकमल दाहालले राखेको विश्वासको मतको प्रस्तावमाथिको छलफलका क्रममा माओवादी केन्द्रका सचिवसमेत रहेका पौडेलले संसदको ठूलो पार्टी कांग्रेसलाई राष्ट्रपति दिएर राष्ट्रिय सहमति गरौं भन्दा एमाले भागेको बताए ।

यनले भने,‘राष्ट्रपतिजस्तो देशको प्रमुख पद, उपराष्ट्रपति जस्तो प्रमुख पदमा सहमति गरौं भन्दा यहाँ प्रधानमन्त्री भाग्नु भएको होइन । एमालेका साथीहरू किन भाग्नु भएको हो ? एमाले पनि सहमतिमा आउनुपर्ने थियो । राम्रो हुन्थ्यो होला ! सहमतिको आधारमा राष्ट्रपति, उपराष्ट्रपति चुन्न पाएको भएदेखि देश हामी सबैले मिलेर अगाडि बढथ्यो होला । परिस्थिति फरक भएको हुँदाखेरी अहिले पनि सहमतिको आवश्यकता हो । जनताको जनमत यही छ । जनताको अभिमतको आधारमा सहमति खोज्ने कुरा गलत हुदैन ।’

संसद्मा सबैभन्दा ठूलो पार्टी कांग्रेसलाई सँगै लिएर जाने प्रधानमन्त्रीको प्रस्ताव स्वाभाविक भए पनि एमालेले त्यसलाई लत्याएको पौडेलको भनाइ थियो । उनले संसद् विघटन गर्न नहुने सर्वोच्च अदालतको फैसलालाई नमान्ने काम एमालेबाट फेरि आएपछि माओवादीले एमालेसँगको गठबन्धन छोडने अवस्था आएको पनि बताए । ’इतिहासको सम्मान गर्ने हो, रक्षा गर्ने हो राम्रो इतिहासको । गल्ती भएका कुरालाई सच्याएर अघि बढ्ने हो ।’

उनले संविधानले कार्यपालिका, व्यवस्थापिका र न्यायपालिकालाई शक्ति सन्तुलनको सिद्धान्त अनुसार सन्तुलनमा राख्ने गरी अधिकार विनियोजन गरेको भन्दै विगतमा दुई पटक यो सम्मानित सदन विघटन भया, कसका कारणले विघटन भयो ? कहाँ लेखिएको छ, कुन धारामा लेखिएको छ ? जवाफ दिन सक्नु हुन्छ भन्दै प्रश्न गरेका थिए ।

वर्तमान प्रतिनिधिसभा विगतमा भएको प्रतिनिधिसभा विघटनको निर्णयलाई सही ठह¥याउन गठन नभएको र गठबन्धन पनि त्यो निर्णयलाई सदर गर्न नभएको पौडेलको भनाइ थियो । सांसद पौडेलले मुलुकलाई अघि बढाउन, आर्थिक संकटबाट जोगाउन पनि दलहरू मिलेर अघि बढ्नुको विकल्प नरहेको बताए ।