रिक्त स्थानमा हुने उपनिर्वाचनमा भाग लिन दल दर्ता अनिवार्यः आयोग

७ चैत, काठमाडौं । निर्वाचन आयोगले प्रतिनिधिसभा सदस्यमा आगामी वैशाख १० गते हुने उपनिर्वाचनका लागि राजनीतिक दललाई आयोगमा दर्ता हुन आग्रह गरेको छ ।

प्रतिनिधिसभा सदस्य तनहुँ जिल्ला निर्वाचन क्षेत्र १ र बारा जिल्ला निर्वाचन क्षेत्र नं २ को उपनिर्वाचनमा भाग लिन आयोगले दल दर्ताका लागि आग्रह गरेको हो ।

मंगलबार एक सूचना जारी गर्दै आयोगले चैत ८ गतेदेखि चैत १२ गतेसम्म राजनीतिक दल सम्बन्धी नियमावली २०७४ को अनुसूची–१२ बमोजिमको ढाँचामा निर्वाचन आयोग कान्तिपथ कार्यालयमा दल दर्ताका लागि निवेदन दिन आग्रह गरेको छ ।