दैलेखमा ग्याँस सिलिन्डर बोकेको ट्रक दुर्घटना, तीनको मृत्यु

८ चैत, दैलेख । दैलेखको सुर्खेत सडक खण्डको ताल पोखरीमा मिनि ट्रक दुर्घटना हुँदा चालक सहित तीन जनाको मृत्यु भएको छ । नेपालगन्ज देखी मनकामना ग्याँस सिलिन्डर बोकेर दैलेख तर्फ आउँदै गरेको भे १ क २२०१ नम्बरको मिनि ट्रक दुर्घटना हुँदा तीन जनाको मृत्यु भएको जिल्ला प्रहरी कार्यालय दैलेखले जानकारी दिएको छ ।

जिल्ला प्रहरी कार्यालय दैलेखका प्रहरी प्रमुख किशोर लम्सालले दुर्घटनामा परी मिनिट्रक चालक अन्दाजी ३० वर्षको कृष्ण चौधरी, अन्दाजी वर्ष २६ को कृष्ण चौधरी र अन्दाजी २३ वर्षको बिष्णु चौधरी को मृत्यु भएको जानकारी दिए । उनँले मिनिट्रक रोक्न लागेको बेला सडक बाट करिब एक सय ५० मिटर तल खेसेको बताए ।

घटनाको थप अनुसन्धान गर्न जिल्ला प्रहरी कार्यालय बाट प्रहरी निरीक्षकको टोली घटनास्थल तर्फ गएको र थप विवरण आउन बाँकी रहेको प्रहरी प्रमुख लम्सालले जानकारी दिए । ट्रकबाट सिलिण्डर यत्रतत्र छरिएका छन् । उक्त सिलिण्ड चोरी हुने सम्भावना पनि देखिएको छ ।