मन्त्रिपरिषद विस्तारबारे छलफल गर्न डाकियो सत्ता गठबन्धनको बैठक

८ चैत, काठमाडौं । मन्त्रिपरिषदको पुनर्गठन, प्रदेश सरकारमा हेरफेर र आगामी बैशाख १० मा हुनलागेको उपनिर्वाचनमा साझा उम्मेदवारबारेका एजेण्डमा छलफल गर्न सत्ता साझेदार दलको बैठक डाकिएको छ । प्रधानमन्त्रीको सरकारी निवास बालुवाटारमा अपराह्न ४ बजेका लागि बोलाइएको बैठकमा राष्ट्रिय स्वतन्त्र पार्टी (रास्वपा) का प्रतिनिधिहरुलाई पनि निमन्त्रणा दिइएको बताइएको छ ।

आजको बैठकले पहिलो एजेण्डामा राखिएको मन्त्रिपरिषदको विस्तारबारे दलहरुले कुन र कति मन्त्रालयमा प्रतिनिधित्व गर्नेबारे निर्णय दिने बताइएको छ । सांसद संख्याको हिसाव मन्त्रीहरुकोसंख्या तोने वा अरु दलको सहभागिकाताको अवस्था हेरेर मन्त्रालय सवभाजन गर्ने भन्ने निर्णय गरिने भएको छ । दलगत हिसावमा नेपाली कांग्रेस सबैभन्दा ठूलो दल छ । प्रतिसांसद एक मन्त्रालयको हिसाव गर्दा कांग्रेसले नौ मन्त्रालय पाउनेछ । तर, यसरी हिसाव गर्दा मन्त्रालयको संख्या थोरै भएकाले सरकारमा अन्य दलको प्रतिनिधित्व कम हुने देखिएको छ ।

यसअघिका बैठकमा नेकपा एकीकृत समाजवादीले अब माग्ने पालो आफुहरुको भएको भन्दै तीन र महत्वपूर्ण मन्त्रालयमा दावी गरकेो छ । राष्ट्रिय स्वतन्त्र पार्टीले पनि सरकारमा जाने मनसाय राखेको छ । उसले यसअघि तीन मन्त्रालय र एक राज्य मन्त्री पाएको थियो । तीन मन्त्रालयमा रास्वपाको दावी रहेपनि गृहमा भभने अहिले उसले दावी नगरेको बताइएको छ । गृहमा नेकपा एसले दावी गरिहरको छ । सरकारको नेतृत्व गरिहेको माओवादी गृह आफैसँग राख्ने मनसायमा छ ।

ठूलो दल भएकाले कांग्रेसले गृह र अर्थमध्ये एक मात्र लिने भनेको छ । बाँकी सूचना तथा सञ्चार प्रविधि, रक्षा, परराष्ट्र र भौतिक पुर्वाधारमा कांग्रेसको जोड छ । सरकारमा सहभागी हुने विषयलाई लिएर प्रधानमन्त्री प्रचण्ड र कांग्रेस सभापति शेरबहादुर देउवाले मंगलबार छलफल गरेका थिए । प्रचण्ड र देउवाबीच सरकारमा सहभागी हुने विषयमा कसरी भागबण्डा गरेर जाने भन्ने विषयमा कुराकानी भएको थियो । यसबारे प्रदेश सरकार र उपनिर्वाचनमा साझा उम्मेदवार बनाउने विषय पनि एजेण्डमा राखिएको छ । मूलत प्रहरी महानिरीक्षकबारे प्रधानमन्त्री प्रचण्ड र देउवाबीच कुरा मिलेको छैन् ।