पूर्वराजा ज्ञानन्द्र र राप्रपाका नेताबीच झापामा भेटघाट

८ चैत, काठमाडौं । पूर्वराजा ज्ञानेन्द्र शाह र राप्रपाका शीर्ष नेताहरुबीच भेटवार्ता भएको छ । शाहलाई भेट्न राप्रपा अध्यक्ष राजेन्द्र लिङ्देनसहितका नेताहरु झापाको दमक पुगेका थिए । बुधबार दिउँसो भएको भेटमा समसामयिक विषयमा कुराकानी भएको महामन्त्री धवलशम्शेर राणाले जानकारी दिए । भेटमा राप्रपा नेताहरु डा. प्रकाशचन्द्र लोहनी र रवीन्द्र मिश्र पनि दमक पुगेका थिए ।

भेटपछि राप्रपा अध्यक्ष राजेन्द्र लिङ्देनले यो समान्य भेट भएको बताएका छन् । उनले मन्त्री भएपछि पूर्वराजासँग भेट गर्न नपाएको भन्दै त्यही कारण आफूसहितका पदाधिकारी भेटका लागि पुगेको बताए । उनेले र् राप्रपाले अविभावकीय संस्था राजसंस्थालाई मानेका कारण सरकारसँग भेट गरिएको बताए ।

अहिले भएको यो सामान्य भेट हो र भेटमा शाहले स्वाभाविकरुपमा देशको चिन्ता जाहेर गरेको बताए । चिन्ता तत्काल केही गरिहाल्नुपर्छ भन्ने हो वा सामान्य भन्ने प्रश्नमा उनले केही गर्नुपरे पार्टीले निर्णय गर्ने भन्दै उनले पुर्वराजा शाहले कुनै मुभ लिनुपर्ने भए त्यो पार्टीको बैठकबाट निर्णय लिने बताए ।