आज निर्णय लिनुपर्ने प्रहरी प्रमुख नियुक्तमा अझै जुटेन सहमति

१० चैत, काठमाडौं । नेपाल प्रहरीका महानिरीक्षक धीरजप्रताप सिंहको कार्यकाल आज समिने भएकाले सरकारले उक्त ठाउनमा नयाँ प्रहरी महानिरीक्षक नियुक्ति गर्नुपर्ने भएपनि मुख्य दलबीच अझै सहमति नजुटेको बताइएको छ । बिहीबार यसबारे निर्णयमा पुग्न प्रधानमन्त्री पुष्कमल दाहाल ‘प्रचण्ड’ र सत्ता घटकको मूख्य दल नेपाली कांग्रेसका सभापति शेरबहादुर देउवाबीच एक्लाएक्लै वार्ता भएपनि सहमति भएको छैन् । आज पुनः उनीहरुबीच छलफल हुँदैछ ।

प्रधानमन्त्री प्रचण्ड र सभापति देउवाबीच छलफल सकिएपछि मन्त्रप्रिषदको बैठक बस्नेछ । अपराह्न ४ बजे बोलाइएको मन्त्रिपरिषद बैठकको मूल एजेण्डा प्रहरी प्रमुखको नियुक्ति रहेको छ । आजबाट प्रहरी महानिरीक्षक धिरजप्रताप सिंहले अवकाश पाउँदैछन् । उनको अवकाससँगै पाँचजना एआईजीहरूको आईजीपीको प्रतिस्पर्धामा छन् । वसन्त कुँवर, टेकप्रसाद राई, दीपक थापा, श्यामलाल ज्ञवाली र किरण बज्राचार्य महानिरीक्षक पदको दाबेदार हुन् ।

पाँच एआईजीबाट आईजीपी छान्न दाहाल र देउवाबीच हानाथाप छ । प्रक्रिया अनुसार एआईजीबाट आईजीपी बनाउन केही मापदण्डहरु बनाइएपनि ती मापदण्डहरुले खासै काम गरेको छैन् । यद्यपी विगत जस्तो यसपट आईजीपी नियुक्तिका खास विवद देखिएको छैन् । सोमबार बढुवा भएका एआईजी वसन्तबहादुर कुँवर, टेकप्रसाद राई, दीपक थापा, श्यामलाल ज्ञवाली र किरण बज्राचार्य प्रतिस्पर्धामा रहेपनि कुँवर वरियतामा अगाडी छन् । यस अगाडीका उदाहरण हेर्ने हो भने वरियताले भन्दा दल र त्यसको नेतृत्वसँगको उठबसले प्राथमिकता पाउँदै आएको छ ।