सम्पर्कविहिन भएका दश प्रहरी खोज्न मुख्यालयले निकाल्यो सार्वजनिक सूचना

१० चैत, काठमाडौं । नेपाल प्रहरी प्रधान कार्यलयले लामो समयदेखि गैरहाजिर रहेका प्रहरी कर्मचारीलाई सात दिनभित्र स्पष्टिकरणसहति कार्यलयमा हाजिर हुन सूचना जारी गरेको छ । आफूखुसी गैरहाजिर भएका प्रहरी खकर्मचारीलाई सात दिनभित्र सम्पर्कमा आउन प्रहरी प्रधान कार्यालयले निर्देशन दिएको हो ।

शुत्रबार आज सार्वजनिक सूचना जारी गर्दै कार्यालयले गैरहाजिर हुनुको कारण खोली सन्तोषजनक स्पष्टीकरण पेश गर्न भनेको छ । अन्यथा आवश्यक कारबाही गर्ने चेतावनी प्रहरी मुख्यालय नक्शालले दिएको छ । सूचना अनुसार केन्द्रीय अनुसन्धान व्युरो महाराजगञ्ज दरबन्दी भएका प्रहरी हबल्दार दिपेन्द्र सिंह २०७८ फागुन १० गतेदेखि सम्पर्कमा नआएको उल्लेख छ ।

प्रहरी जवान दिपु अवाल २०७९ पुस १७ गतेदेखि, निरज कुमार राई माघ १३ गतेदेखि, रामफल यादव माघ २५ गतेदेखि र गोविन्द केसी माघ २८ गतेदेखि गैरहाजिर छन् । यसैगरी आनन्द मण्डल पुस ७ गतेदेखि, विशाल कुमार राई पुस २९ गतेदेखि, आलेश थापा माघ १८ गतेदेखि तथा धमेन्द्र विक र हरिराज विक माघ २८ गतेदेखि सम्पर्कमा नरहेको प्रहरी प्रधान कार्यालयको सूचनामा उल्लेख छ ।