कांग्रेसको सहमतिमा बाग्मतीका मुख्यमन्त्रीले आज विश्वासको मत लिने

१० चैत, हेटौडा । बाग्मती प्रदेशका मुख्यमन्त्री शालिकराम जम्मरकट्टेलले आज विश्वासको मत लिने भएका छन् । बुधवार विश्वासको मत लिनका लागि बैठक बोलाइएको भए पनि नेपाली कांग्रेसका सांसद अनुपस्थित हुने भए पछि स्थगित भएको बैठक आज बोलाइएको हो । बैठक अपरान्ह १ बजे बस्नेछ ।

नेकपा एमालेसहितको समर्थनमा मुख्यमन्त्री बनेका जम्मरकट्टेलले संघीय सरकारमा गठबन्धन फेरिए पछि दोहोर्यार विश्वासको मत लिन लागेका हुन । नेपाली कांग्रेसका सांसद हिजो उपस्थित हुन नसक्ने भनेपछि अन्तिम समयमा बिहीबार बोलाइएको बैठक स्थगित गरी आजका लागि बोलाइएको हो ।

नेपाली कांग्रेसले विश्वासको मत दिने निर्णय गरेको छ । आपसी सहमतिमा आज बैठक डाकिएको हो । शुक्रवार डाकिएको बैठकवाट भने पुनः विश्वासको मत पाउने अपेक्षा मुख्यमन्त्री जम्मरकट्टेलले गरेका छन् । आज विश्वासको मत लिएपछि नयाँ मन्त्रिपरिषद बनाइने छ ।