भारतीय कांग्रेसका नेता राहुल गान्धीको सांसद पद खारेज

१० चैत, काठमाडौं । भारतीय कांग्रेसका नेता राहुल गान्धीको लोकसभा सदस्यता खारेज भएको छ । बिहीवार गुजरातस्थित सुरतको एक अदालतले राहुललाई फौजदारी मानहानि मुद्दामा दोषी ठहर गरेपछि उनको लोकसभा सदस्य पद खारेज गरिएको हो ।

उनको सदस्यता खारेजीको घोषणा गर्दै लोकसभा सचिवालयले उक्त खारेजी बिहीवारदेखि नै लागू भइसकेको जनायो । केरलको वायनाड संदीय क्षेत्रको प्रतिनिधित्व गर्दै लोकसभा सदस्य रहेका राहुल गान्धी अब सांसद नरहेको सचिवालयको सूचनामा उल्लेख छ ।