रास्वपाद्वारा उपनिर्वाचन हुने ३ वटै क्षेत्रमा परिचालन समिति गठन

१० चैत, काठमाडौं । राष्ट्रिय स्वतन्त्र पार्टीले १० वैशाखमा हुने उपनिर्वाचनमा तीनवटै क्षेत्रमा उम्मेदवार उठाउने निर्णय गरेको छ । शुक्रबार बसेको केन्द्रीय समिति बैठकले उपनिर्वाचन हुने चितवन–२, तनहुँ–१ र बारा–२ मा उम्मेदवारी दिने निर्णय गरेको सहमहामन्त्री कविन्द्र बुर्लाकोटीले जानकारी दिए । ‘हामीले उपनिर्वाचन हुने तीनवटै क्षेत्रमा आफ्नो उम्मेदवार उठाउछौं’ उनले भने ।

बैठकले उपनिर्वाचन हुने ३ वटै क्षेत्रमा निर्वाचन परिचालन समिति पनि गठन गरेको छ । जसमा चितवनमा उपसभापति डोलप्रसाद अर्याल, तनहुँमा सहमहामन्त्री कबिन्द्र बुर्लाकोटी र बारामा गणेश कार्की संयोजक तोकिएका छन् ।

वैशाख १० मा हुने उपनिर्वाचनमा हामीले तीनै क्षेत्रमा एकल उमेदवारी दिने निर्णय गर्दै उपनिर्वाचनका लागि चुनावी ‘कमान्डर’ पनि तोकेको छ । निर्वाचन परिचालनका लागि चितवन–२ मा पार्टी उपसभापति तथा संसदीय दलका नेता डोलप्रसाद अर्याललाई जिम्मेवारी दिइएको छ ।

यस्तै, बारामा केन्द्रीय सदस्य गणेश कार्की र तनहुँका लागि सहमहामन्त्री कविन्द्र बुर्लाकोटीलाई जिम्मेवारी दिइएको छ । बैठकले परिस्थिति हेरेर सरकारमा सहभागी हुने/नहुनेबारे निर्णय गर्ने निष्कर्ष निकालेको छ । सरकारलाई दिएको समर्थन यथावत् राखे र निर्वाचन फोकस भएर सरकार सहभागिताको विषयमा छलफल गरिएको बताएको छ । बैठकले केन्द्रीय समितिबाट राजीनामा दिएका महेश्वर घिमिरेको राजीनामा स्वीकृत गर्ने विभाग तथा समिति गठनका विषयहरूमा छलफल गरेको छ ।