अनधिकृत परीक्षा दिइरहेका ८२ विद्यार्थीको उत्तर पुस्तीका महानगरले लियो नियन्त्रणमा

१० चैत, बीरगन्ज । कक्षा ८ को महानगर स्तरीय परीक्षाको अनधिकृत परीक्षा केन्द्रमा परीक्षा दिईरहेका ८२ जना विद्यार्थीहरुको उत्तर पुस्तिका बीरगन्ज महानगर पालिका शैक्षिक महाशाखाले नियन्त्रणमा लिएको छ । कक्षा ८ को महानगर स्तरीय परीक्षामा गृह परीक्षा केन्द्र राखिएको छ ।

बीरगन्ज महानगर पालिका वडा न ७ स्थित माईस्थान बाल विधा मन्दिर इन्दु लाखे आधारभूत विद्यालय मा ४ वटा संस्थागत ‘निजि’ विद्यालय का ८२ जना बिद्यार्थीहरुले अनाधिकृत परीक्षा केन्द्रमा परीक्षा दिइरहेका थिए । ग्रीन ल्याण्ड माविका ४७ , असीम माविका १७ , एपेक्स इन्टरनेशनल स्कुलका ७ र सालोम माविको १२ जना विद्यार्थीहरुले अनाधिकृत रूपमा परीक्षा दिइरहेका थिए ।

बीरगन्ज महानगर पालिका शैक्षिक महाशाखा का प्रमुख अरविन्द लाल कर्णले सामुदायिक विद्यालयमा अनाधिकृत अन्नपूर्ण पव्लिक कलेज संचालित रहेको र त्यसमा ४ वटा निजी विद्यालयको ८२ जना विद्यार्थीहरुको उत्तर पुस्तिका नियन्त्रणमा लिएको र आ आफ्नो विद्यालयमा परीक्षा लिन निर्देशन दिइएको बताए ।

बीरगन्ज महानगरमा आधारभूत तह कक्षा ८ को परीक्षामा सामुदायिक तर्फको ३४ विद्यालय का ३ हजार ४ सय ५० विद्यार्थी र संस्थागत ‘निजी’ तर्फ को ८३ विद्यालयको २ हजार ४ सय १२ जना विद्यार्थी सहित कुल ५ हजार ८ सय ६२ विद्यार्थीहरु सहभागी छन् ।