गठबन्धन सरकारप्रति अध्यक्ष ओलीको अक्षम्य टिप्पणी

१० चैत, काठमाडौं । नेकपा एमालेका अध्यक्ष केपी शर्मा ओलीले वर्तमान प्रचण्ड नेतृत्वको सरकारप्रति कडा टिप्पणी गरेको छन् । उनले राम्रो होस र सप्रियोस भनेर जति सुभाव र सल्लाह दिँदा पनि त्यसलाइृ ग्रहण नगरेको भन्दै अहिलेको सरकारलाई सुभाव दिनु र भैसीका अगाडी बीन बजाउने उस्तै भएको बताएका छन् । शुक्रबार काठमाडौंको भृकुटीमण्डपमा जारी जुत्ता चप्पल व्यापार मेलामा आयोजित कार्यक्रमलाई सम्बोधन ओलीले घुमाउरो पारामा देशका उद्योगधन्दा कांग्रेसले बेचेको आरोप लगाएका छन् ।

ओलीले नेकपा माओवादी तर्फ लक्षित गर्दै हिजोका दिनमा लुटेर चुत्ता चप्पल लगाउनेहरुले अहिले भन्सारकामाध्याम बाट लुटेरै लगाई रहेको बताए । उनले लुटेर लगाउनु र भन्सारतिरबाट लुट फस्र्यौट गर्नु एउटै भएको बताए । उनले भन्सारमा नेपालबाट उत्पादन भएका बस्तुलाई सहुलियत दिनुपर्नेमा बढि शुल्क राखेर लुटिएको बताए । यस्ता विषयमा सुभाव दिँदा सरकारले आफ्ना सुझावको मतलब नै नराख्ने गरेको उनको भनाई छ ।

नेपाली उद्योगको बचाउका लागि सरकारले कच्चा पदार्थको आयात सहज र सस्तो बनाउनुपर्नेमा उल्टै कसरी हुन्छ लुट्ने काम मात्र गरिहेको बताए । नेता ओलीले भने, ‘हुन त अहिलेको सरकारलाई सुझाव दिने भनेको हिन्दी उखान, भैँसके आगे बीन बझाए, भैँस रहे पगराए भने जस्तै छ । भैँसीको अगाडि बीन बजायो भने उग्राएर बस्छ । त्यो केही मतलब राख्दैन । त्यस्तै हो । अहिलेको सरकारलाई सुझाव दिने कुरा पनि । हिजो लुटेर लिएर जुत्ता लगाउनु र आज भन्सारतिरबाट लुटफस्र्योट गर्नु एउटै कुरा हो । तपाईँहरुको अघि मैले भने नि । ५०÷५३ प्रतिशत त लुटेकै छ नि त ।’

ओलीले स्वदेशी उत्पादनले संरक्षण नपाएको भन्दै त्यसलाईं संरक्षण दिएर आवश्यक कच्चा पदार्थको सहज र सस्तोमा पाउने अवस्था गर्नुपर्ने नेपाली उत्पादनमाथिको भ्रष्ट हस्तक्षेप भएको बताए । व्यापारिक क्षेत्र र सरकारी क्षेत्रमा भएको भ्रष्ट र लुटतन्त्रलाई रोक्नु पर्ने बताए । ओलीले स्वदेशी वस्तुको उत्पादनमा बढावा दिन सरकारले नै स्वदेशी वस्तुको उपयोग हुने खालको नीतिलाई जोड दिनुपर्ने बताएका थिए । अधिकांस समय ओलीले सरकारको आलोचनामै खर्चिएका थिए ।