अर्थतन्त्र सम्हाल्ने हिम्मत नभएकाले मन्त्रालय नताक्नूः उपसभापति गुरुङ

११ चैत, हेटौंडा । नेपाली कांग्रेसका उपसभापति धनराज गुरुङले देश आर्थिक संकटमा रेहकाले यो स्थितिबाट मुलुकलाई उकास्न सक्ने आँट र हिम्मत भएको व्यक्तिलाई मात्र अर्थ मन्त्रालयको जिम्मेवारी दिनुपर्ने बताएका छन् । उनले वर्तमान सरकारमा सहभागि हुने निर्णय गरिसकेकाले कांग्रेसबाट सरकारमा जाने मन्त्री पनि यस्तै आँट र हिम्मत भएका हुनुपर्ने बताएका छन् ।

शनिबार हेटौंडामा आयोजित नेपाल शिक्षक संघ बागमती प्रदेश कार्यसमितिको दोस्रो अधिवेशन कार्यक्रममा गुरुङले मुलुकलाई कठिन परिस्थितिबाट मुक्त कांग्रेसले नेतृत्व दिनसपर्ने बताए । कांग्रेस सरकरामा जाँदा गृह वा अर्थ मन्त्रालयमध्ये एक लिने चर्चा चलिरहेका बेला अर्थ मन्त्रालयमा पार्टी र नेतालाई गाल पार्ने व्यक्तिलाई यस्तो जिम्मेवारी दिन नहुने बताए ।

मुलुकले भोगिरहेको चरम आर्थिक संकटबाट बाहिर निकाल्न नसके कांग्रेस नालायक ठहरिने भएकाले ं लायक र योग्य मात्र सिंहदरबार छिर्नुपर्ने उनको भनाइ छ । गुरुङले इतिहासमा कांग्रेसलाई नालायक बन्न नदिने दावी पनि गरेका छन् । सपार्न सक्ने आँट,योजना र दृष्टिकोण पनि आफुहरुसँग रहेको बताए । राजनीतिक तरलता छ भनेर कांग्रेसलाई छुट नहुने उपसभापति गुरुङको दावी छ ।

अहिलेको १० राजनीतिक दललाई नेतृत्व गरेर ५ बर्षसम्म स्थायी सरकार चलाउने हिम्मत कांग्रेसले राखेको र सरकारमा गएपछि काम गर्न सकिएन भन्ने छुट अरु पार्टीलाई भएपनि कांग्रेसबाट मन्त्री बन्नेहरुलाई नभएको बताए । मुलुकमा आर्थिक समस्या भइरहेका बेला विदेशबाट आयात गरिएका खादा, माला प्रयोग नगर्ने वतावरणको किास गर्नुपर्ने उनकोभनाइ छ ।

गुरुङले भने, ‘केही समयपछि शिक्षक साथीहरुले तलब पाउनुहुन्छ कि हुन्न मलाई थाहा छैन । गुरुले व्यवहाररुपी ज्ञान पनि दिनुपर्छ । बाहिरबाट आएका माला÷खादा लगाउदिन भन्ने प्रतिबद्धता गर्नुस् । आर्थिक संकट छ । मोचन गर्नुछ । फजुल खर्च गर्नुहुँदैन । त्यो ज्ञान मैंले तपाईंहरुबाट पाउनुपर्छ ।’

उनले संघीय शिक्षा ऐन छिटोभन्दा छिटो ल्याउन पहल गर्ने गुरुङले प्रतिवद्धता जनाउँदै राम्रो भएको सामुदायिक विद्यालयलाई पछ्याउने काम गर्न शिक्षकहरुलाई अनुरोध गरे । हरेक पालिकाले अब एउटा नमुना विद्यालय बनाउनुपर्ने उनको सुझाब थियो । नमुना विद्यालय कस्तो हुनुपर्छ भन्ने उदाहरण दिंदै उनले भने, ‘ठ्याक्कै नाम लिनुपर्दा बुढानिलकण्ठ स्कुल जस्तो । त्यहाँ ३३ प्रतिशतले निशुल्क पढ्छन्, ६७ प्रतिशतले सशुल्क । सशुल्क कसले पढिरहेको छ, निशुल्क कसले पढिरहेको छ थाहा हुँदैन ।’