कांग्रेसको प्रगतिबारे धुम्बाराहीमा ब्रिफिङ, आधिकारिक निर्णय सोमबार !

११ चैत्र, काठमाडौं । नेपाली कांग्रेसले सरकारमा सहभागि, मन्त्रिपरषिद विस्तार र संसदीय गतिविधिमा भइरहेका कामका विषयामा पदाधिकारी तहमा छलफल गरेको छ । बैठकमा नयां समीकरणपछि सत्ता गठबन्धनमा भइरहेका छलफल र त्यसमा भइरेहका काम र प्रगतिबारे उपसभापति पूर्णबहादुर खड्काले ब्रिफिङ गरेका थिए भने संसदीय गसतसवसधबारे प्रखुख सचेतक रमेश लेखकले ब्रिफिङ गरेका थिए ।

आजको बैठकमा नेकपा माओवादी केन्द्रका अध्यक्ष पुष्पकमल दाहाल प्रचण्डको नेतृत्वको सरकारलाई पूर्णता दिने कसकसलायृ मन्त्रिपरिषदमा पठाउन सकिन्छ भन्नेबारे सामान्य छलफल भएको छ । सभापति शेरबहादुर देउवा निवास धुम्बाराही शनिबार साँझ बसेको बैठकमा उपसभापति पूर्णबहादुर खड्काले मन्त्रालयको भागबन्डामा कांग्रेसले पाउने मन्त्रालयको संख्या टुंगो लागि नसकेको जानकारी गराएका थिए ।

बैठकमा खड्काले पार्टीबाट ८ मन्त्रालयको दाबी रहे पनि गठबन्धनभित्रबाट ७ मात्रै दिन सकिने कुरा आएको बिफ्रिङ गरेको कांग्रेस एक पदाधिकारीले नेपालबहसलाई बताए । प्रधानमन्त्री प्रचण्डले सरकारमा १० राजनीतिक दललाई संलग्न गराउन खोजेकाले कांग्रेसको मन्त्रालय संख्या घट्न सक्ने खड्काको भनाइ थियो । यस विषयमा सोमबार निर्णय गर्ने भन्दै बैठक सकिएको थियो ।

बैठकमा कांग्रेसको प्रतिनिधिसभाका प्रमुख सचेत रमेश लेखकले संसदीय गतिविधिको बारेमा जानकारी गराएका थिए । शनिबारको बैठकमा वैशाख १० गते हुने उपनिर्वाचनको विषयमा पनि छलफल भएको थियो । उम्मेदवारको विषयमा छलफल गर्न कांग्रेसले सोमबार संसदीय बोर्ड र कार्यसम्पादन समितिको संयुक्त बैठक बोलाउने तयारी भएको ति नेताले बताए ।

सोमबर उपचुनावका लागि उम्मेदवार टुंगो लगाउने र सिट बाँडफाँट गरेर चाँडो मन्त्रिपरिषद् विस्तार गर्नेबारे छलफल भएको छ । संसदमा पेस भएको सत्य निरुपण विधेयक अगाडि बढाएर टुंगोमा पुर्याउने र वैशाख १० मा प्रतिनिधसभाका बारा–२, चितवन–२ र तनहुँ–१ मा उपनिर्वाचन हुँदैछ त्यसका उम्मेदवार टुंग्यो लगाउने बताइएको छ ।