सभापती बिरुद्ध सामाजिक सञ्जालमा जथाभावी लेख्न छुट छैन : गुरुङ

११ चैत, काठमाडौं । नेपाल तरुण दलका केन्द्रीय सभापति विद्धान गुरुङले सङ्घ र प्रदेश तथा स्थानीय तहको निर्वाचनमा तरुण दल भूमिका महत्वपूर्ण भएको भन्दै उनले निर्वाचनमा अन्तरघात गर्ने नेता र कार्यकर्तालाई पार्टीमा बसिरहन छुट नभएको बताएका छन् ।

नेपाल तरुण दल जिल्ला कार्यसमिति काभ्रेपलाञ्चोकले आज बनेपामा आयोजना गरेको ‘बृहत् तरुण भेला’मा उनले आफ्नो पार्टी सभापती बिरुद्ध सामाजिक सन्जालमा जथाभावी लेख्न तरुण सदस्यलाई छुट नभएको पनि बताए ।

कार्यक्रममा बोल्दै अध्यक्ष गुरुङले नेपाल तरुण दलमा आवद्ध हुने हरेक सदस्यले आफ्नो पार्टी जिल्ला सभापती एबम केन्द्रिय शभापती बिरुद्द सामाजिक सन्जालमा लेख्ने छुट नभएको कुरा बताएका हुन । यदि आउने दिनहरुमा कोहि पनि तरुण सदस्य अनुशासनमा नरहे कसैलाइ नसोधी पदिय जिम्मेवारीबाट हटाउने बताए ।

काभ्रे भ्रष्टाचार कम्युनिस्ट नेताको जिल्ला भनेर बाहिर सुनिदै आएको कुरा बताउदै अध्यक्ष गुरुङले उक्त जिल्ला कृषिमुखी जिल्ला भएको कुरा बताए ।आज यहाको उब्जेका तरकारी हरु काठमाडौं, भक्तपुर र ललितपुर जिल्लामा पुगेका छन । यहा उब्जेको कृषि जन्य सामाग्रीहरु बजारमा फैलाउन तरुण हरुलाइ अग्रसर हुन आग्रह गरे ।

कार्यक्रम भव्य रुपमा आयोजना गरेकोमा नेपाल तरुण दल काभ्रे जिल्ला अध्यक्ष एबम कार्यसमिति र उपस्थित तरुण हरुलाइ नेपाल तरुण दल अध्यक्ष विद्वान गुरुङले धन्यवाद दिएको सचिवालयले जनाएको छ ।