नेप्सेमा सुपर माई हाइड्रोपावरको शेयर कारोबार खुला

१३ चैत, काठमाडौं । सुपर माई हाइड्रोपावरको सोमबारदेखि नेप्सेमा शेयर कारोबार खुला भएको छ । ‘एसएमएच’ संकेतमा यसको शेयर कारोबार सुरु भएको छ ।

सुपर माईको चुक्ता पुँजीका आधारमा कायम कुल ५० लाख कित्ता शेयर गत साता सूचीकृत भएको थियो । यसको पहिलो कारोबार प्रतिकित्ता ३९१ रुपैयाँमा सुरु भएको र सोही मूल्यलाई आधार मानेर यसको नियमित कारोबार हुनेछ । नेप्सेले यसको ओपनिङ रेन्ज प्रतिकित्ता १३०.७६ रुपैयाँदेखि ३९२.२८ रुपैयाँसम्म तोकेको थियो ।