चार डीआईजीलाई एआईजीमा बढुवाका लागि सिफारिस

१३ चैत, काठमाडौं । सरकारले नेपाल प्रहरीको महानिरीक्षकमा बसन्त कुँवरलाई नियुक्त गरेपछि गृह मन्त्रालयको बढुवा सिफारिस समितिले चार जना डीआईजीहरुलाई एआईजीमा बढुवाका लागि सिफारिस गरेको छ । सोमबार बसेको समितिको बैठकले नेपाल प्रहरीमा रिक्त चार अतिरिक्त महानिरीक्षक (एआईजी) मा बढुवा सिफारिस गरेको हो ।

सिफारिस समितिले सुदीप गिरी, सन्दीप भण्डारी, मीरा चौधरी र टेकप्रसाद तामाङलाई बढुवा सिफारिस गरेको छ । उनीहरू सबै वर्तमान आईजीपी वसन्त कुँवरका ब्याची हुन् । सरकारले चैत १० गते कुँवरलाई आईजीपीमा बढुवा गरेको थियो । नेपाल प्रहरीका ८ एआईजी दरबन्दीमध्ये तीनजनाले चैत १० गते मध्यरातबाट अवकाश पाएका थिए ।

६८.४६१२ नम्बर सहित सन्दिप बढुवा सिफारिसको पहिलो नम्बरमा छन् । दोस्रो नम्बरमा सिफारिसमा परेका सुदिपको ६८.२११२ नम्बर छ । तेस्रो नम्बरमा सिफारिसमा परेकी मिराको ६७.८३०६ र चौथो स्थानमा रहेका टेकबहादुरले ६७.६९७३ नम्बर पाएका छन् ।