एमालेका सांसद कोइरी समात्न प्रहरीले देखाएन तादरुकता

१३ चैत, महोत्तरी । गत मंसिर ४ मा भएको निर्वाचनमा प्रतिनिधिसिभा सदस्यमा महोत्तरी क्षेत्र नम्बर १ बाट निर्वाचित भएका सांसद लक्ष्मी कोइरी प्रक्राउ गर्न नेपाल प्रहरी असफल भएको छ । सांसद कोइरी सार्वजनिक रुपमा हिँडडुल गरिरहँदा उनी प्रहरीको निगरानीमा पर्न सकेका छैनन् । उच्च राजनीतिक दवावका कारण प्रहरीले कोइरीलाई अनदेखा गरिरहेको छ ।

सांसद कोइरी नेकपा एमालेका तर्फबाट उम्मेदवार बनेर निर्वाचित भएका थिए । उनी संसदमा उपस्थित भएर तत्कालिन गृहमन्त्रीसँगै कुर्सीमा बस्ता पनि प्रहरीले वास्ता गरेको थिएन । प्रतिनिधिसभा बैठकमा हत्या अभियोग लागेका कोइरीलाई समाउन सांसदरुले माग राखेपछि तत्कलीन गृहमन्त्री रवि लामिछानेले व्यक्ति पक्राउको नियम रहेकाले नियम अनुसार उनलाई कारवाही हुने बताएका थिए । संसद र राजनीतिक रुपमा नै तत्कालिन गृहमन्त्री लामिछानेको विरोध हुन थालेपछि उनले प्रहरी प्रशासनलाई लिखित निर्देशन नै दिएका थिए ।

गृह मन्त्रालयले मन्त्रीको निर्देशन अनुसार कोइरीलाई पक्राउ गर्न आदेश दिएको थियो । गृह मन्त्रालयबाट पक्राउ गरी कानुनी दायरामा ल्याउन सर्कुलर जारी भएको पनि तीन महिना वित्न लागेको छ । तर, प्रतिनिधिसभा सदस्य कोइरीलाई अझै प्रहरीले भेटेको छैन् । अहिले पनि उनी गाँउ र काठमाडौं गरिरहेका छन् । २०७७ मा जनकपुर उच्च अदालतले पुर्पक्षका लागि जेल चलान गर्नुपर्ने सजाय सुनाएदेखि नै फरार रहेका कोइरीलाई एमालेले उम्मेदवार बनाएको थियो । त्यही बेला पनि कोइरीलाई टिकट दिएको भन्दै विरोध भएको थियो ।

सुरक्षाकर्मी थमन विकको हत्या गरेको आरोप लागेका संसद कोइरी निर्वाचित भएपछि प्रहरीको आँखा छल्दै पटक पटक संसद भवन छिरेर बैठकमा सहभागी भएका थिए । लगातार संसदमा जाँदा पनि पक्राउ पर्न गर्न नसकेपछि चौतर्फी विरोध भएसँगै गृह मन्त्रालयले गत ६ माघमा सांसद कोइरीलाई पक्राउ गर्न देशभरका जिल्ला प्रशासनलाई निर्देशन दिएको थियो । तर, तीन महिना नाघ्न लाग्दा पनि उनी पक्राउ पर्न सकेका छैनन् । नेकपा एमालेबाट निर्वाचित संसद कोइरीलाई एमालेले नै संरक्षण गरेको आरोप छ भने उनलाई सरकारले नै जोगाएको पनि आरोप छ ।