सरकारले मिटरव्याजीका समस्या समाधान नगरे हामी पनि आन्दोलनमा आउछौँ : राउत

१३ चैत, काठमाडौं । हिडेर ११ दिनमा काठमाडौं आएका मिटरव्याजी पीडितसँग जनमत पार्टीका अध्यक्ष सीके राउतले भेट गरेका छन् । महोत्तरीको बर्दिबासबाट ११ दिन हिँडेर काठमाडौं आइपुगेका पीडितहरुलाई भेट्न सोमबार दिउँसो अध्यक्ष राउत मातातीर्थमा पुगेका हुन् ।

भेटमा अध्यक्ष राउतले मिटरब्याज पीडितहरुको समस्या समाधानका लागि कार्यदल नै बनाएर काम गर्ने बताएका छन् । भेटका क्रममा पीडितहरुले आफूहरुको घरजग्गा सबै गुम्ने अवस्था आएको भन्दै न्याय नपाएसम्म नफर्किने बताए ।

राउतले मिटर ब्याज पीडितहरुको पक्षमा आफ्नो पार्टी जनमतले आन्दोलन गरेको बेला सरकारसँग सहमति भएको बताए । तर अहिले पनि समस्या रहेको भन्दै उनले समाधानका लागि कार्यदल नै बनाएर काम गर्नुपर्ने बताए । उनी भने यदि सरकारले समस्या समाधान नगरे आफ्नो पार्टी पनि आन्दोलनमा आउछौँ ।