सुपर माई हाइड्रोपावरले पहिलो दिनमै सर्वाधिक कमायो

१३ चैत, काठमाडौं । नेप्से परिसूचक १७.७० अंकले वृद्धि भई १९०६ को विन्दुमा उक्लिएको छ । नेपाल स्टक एक्सचेञ्ज (नेप्से)मा सोमबार कुल २६१ कम्पनीको ४३ लाख ८ हजार ६४५ कित्ता शेयर खरिद बिक्री हुँदा १ अर्ब ३८ करोड रुपैयाँ भन्दाबढीको कारोबार भएको छ।

सुपर माई हाइड्रोपावरले पहिलो दिनमै शिर्ष स्थानमा पर्न सफल भएको छ । उक्त हाइड्रोपावरको आजदेखि नेपाल स्टक एक्सचेन्ज (नेप्से) मा शेयर कारोबार सुरु भएको छ । ‘एसएमएच’ संकेतमा यसको शेयर कारोबार सुरु भएको छ । शेयर बजार बन्द भएपश्चात हाइड्रोपावरमा करिब १० प्रतिशतले मूल्य बढेको छ ।

यसको पहिलो कारोबार प्रतिकित्ता ३९१ रुपैयाँमा सुरु भएको र सोही भाउलाई आधार मानेर यसको नियमित कारोबार भएको हो । कारोबारको आधारमा नेप्सेले तोकोको ओपनिङ रेन्ज भन्दा ३९.१० अंकले बढेर ४३०.१० विन्दुमा अडिएको छ ।