फूल र मालाले ढपक्कै ढाकिए पल

१३ चैत, दाङ । दाङमा अभिनेता पल शाहलाई नागरिक अभिनन्दन गरिएको छ । गृह जिल्लामा आयोजित सांकृतिक कार्यक्रममा पल शाहलाई नागरिक अभिनन्दन समेत गरिएको छ ।

पल शाह फागुनको १५ गते मात्र १ बर्ष लामो जेल जीवन बिताएर रिहा भएका थिए । पल जेलबाट बाहिर निस्किएसँगै महोत्सवमा सहभागी हुन थालेका छन् । केही दिन अगाडि मात्र रुकुममा आयोजना भएको एक महोत्सवमा गएका थिए । आइतबार आफ्नै गृह जिल्लाको घोराहीमा आयोजना भएको महोत्सवमा बहिनी रोशनीका साथमा पुग्दा पनि उनको भव्य स्वागत गरिएको थियो ।

पल फूल र मालाले ढपक्कै ढाकिएका थिए । उनलाई हेर्नका लागि दर्शकले २ सय रुपैयाँको टिकट समेत काटेका थिए । २ सय रुपैयाँको टिकट काटेर सांकृतिक कार्यक्रममा पुगेका दर्शकलाई आयोजकले १० पटकसम्म पल शाह आई लभ यू भन्न लगाएको थियो ।

पलले दर्शकहरुको मायाको कारणले नै आफू जेलमुक्त भएको बताए । खर्शकको अपार साथ र माया पाएक पल जेलबाट बाहिर निस्कने वित्तिकै दर्शकसँग महोत्सवमा सहभागी भइरहेका छन् ।