देउवाले अर्थमन्त्रीमा महतको संकेत गरेपछि कांग्रेसभित्र रँडाको, बाहिर असुन्तष्टि

१४ चैत, काठमाडौं । नेपाली कांग्रेस पार्टी सभापति शेरबहादुर देउवाले प्रधानमन्त्री पुष्पकमल दाहाल ‘प्रचण्ड’ नेतृत्वको सरकारको अर्थमन्त्रीमा नेता प्रकाशशरण महतलाई पठाउने संकेत गरेपछि कांग्रेसभित्र र बाहिर चर्को असन्तुष्टि बढेको छ । सत्ता गठबन्धनभित्रै पनि अर्थमन्त्रीमा महत अयोग्य रेहको चर्चा सुरु भएको छ । पार्टी सभापतिप्रति संस्थापन पक्षकै धेरै जसो नेताहरु असन्तुष्ट देखिएका छन् । सबैभन्दा बढी असन्तुष्टि देउवाभन्दा पछि बसेर काम गरिरहेका उपसभापति पूर्णबाहादुर खड्का भएको बताइएको छ ।

पार्टीको केन्द्रीय कार्यसम्पाद समितिको बैठक आज डाकिएको थियो । तर, बैठकमा महतबारे विवाद आउने भएपछि सभापति देउवाले आजको बैठक स्थगित गर्न लगाएर बिहीबारका लागि सारेका छन् । कांग्रेस नेताका अनुसार अर्थमन्त्रीमा महतको नाम उठाएपछि संस्थापन पक्षमा नै निकै ठूलो रस्स्साकस्सी चलेको छ । महतलाई अर्थमन्त्रीमा पठाउने कुरामा उपसभापति खड्का, नेता विमलेन्द्र निधि, प्रकाशमान सिंह, प्रमुखसचेतक रमेश लेखक लगायतले असमति जनाएका छन् ।

महत सभापति देउवाका विश्वास पात्र हुन जसले पहिलेको पाँचदलीय गठबन्धन भत्काउन ठूलो भूमिका खेलेका थिए । उनले सभापति देउवालाई आफु प्रधानमन्त्री बन्नुपर्छ भन्दै उक्साएका थिए । महत र आरजु राणा मिलेर केन्द्रीय सहस्यहरुको हस्ताक्षर नै गराएपछि गठबन्धन भाडिन पुगेको थियो । त्यसबेला पनि उपसभापति खड्का गठबन्धन जोगाउने निकै ठूलो भूमिका खेलेका थिए । बालुटारबाट पुष १० मा प्रचण्ड उठेर हिँडेपछि महत र खड्काकाबीचमा झण्डै हात हालाहाल समेत भएको थियो ।

महत देउवाको निकटमा भएपनि उनको छवी पार्टीभित्र र बाहिर पनि राम्रो छैन् । कांग्रेस भित्र र बाहिर उनलाई सक्षम राम्रो नेताको रपमा हेरिदैन् । कूटनीतक क्षेत्र र नेपाललाई आर्थिक सहयोग गर्दै आएका दता राष्ट्र र निकायहरु पनि महतप्रति सकारात्म छैनन् । अर्को उनी जनताका माझ जान सधै डरपोख नेता हुन् । सभापति देउवाका कारण पार्टीमा महत्वपूर्ण जिम्मेवारी पटक पटक सरकारमा जाने अवसर पाएपनि उनले एक पटक केन्दीय सदस्यबाहेक अरु कुनै चुनावसमेत जितेका छैनन् ।

अर्थमन्त्रीको प्रतिक्षामा बसेको शेयरबजार यसैपनि प्रभावित छ भने महतको नाम लिएयता ओरोलो लागेको छ । उनी शेयरबजार खल्ला पक्षधर पनि होइनन् । कांग्रेसभित्र देउवा पक्षका नेताहरुले नै महतको विरोधमा लागेपनि पार्टी सभापति देउवा महतको पक्षमा अडिग देखिएपछि केहि चलेको छैन् । पार्टीभित्रका सबैजसो नेता खड्काले नेतृत्व गरेर जाँदा उनले इच्छाएको मन्त्रालय पाउनेमा विश्वस्त थिए । संस्थापन इतरसमुहका नेता डा। शेखर कोइरालाले नेतृत्व गर्ने विषयले चर्चा पाएको थियो । उनीहरुको नामप्रति सत्ता पक्ष र विपक्षी पनि सकारात्मक नै थिए ।

यतिबेला देश गहिरो आर्थिक संकटमा छ । यसको निराकरण गर्न सक्षम व्यक्तिलाई अघि सार्नुपर्ने नेताहरूको राय थियो । गत शनिबार कार्यसम्पादन समितिको बैठकमा पनि यो कुरा उठेको थियो । तर ,त्यहाँ देउवाले महतको नाम लिएका थिएनन् । पार्टीभित्र अधिकांश नेताले अहिलेको सरकार सफलता÷असफलताको मापन अर्थमन्त्री हुने भएकाले सक्षम व्यक्ति अघि सार्न सुझाव दिएका थिए । महतलाई अर्थमन्त्री बनाउन नहुनेमा व्यापक असन्तुष्टि हुँदाहुँदै सभापतिले नाम टुंगो लगाउनुपर्नेमा देउवा अडिक छन् ।

प्रधानमन्त्री प्रचण्डले एमालेसँगको गठबन्धन तोडेर कांग्रेस तर्फ आएपछि अब सरकारले निरन्तरता पाउन आस सबैमा जागेको थियो । यसपटक देउवाले विगतका गल्तीहरु नदोर्याएर सरकारमा राम्रा र सक्षम मन्त्री पठाउनेछन भन्ने धेरै मा अपेक्षा थियो । नेपाली शेयरबजारमा कांग्रेसले अर्थमन्त्रालयको जिम्मेवार लिदैछ भन्दा लगानीकर्ताहरु पर्ख रहेरको अवस्थामा थिए । बजारमा सुधार आउने अपेक्षा धेरैको थियो । तर, महतको नाम आउने वित्तिकै उनीहरुले नै नाक खुम्च्याउन थालेका छन् । गठबधनमा रहेका दलहरुमा पनि व्यपक असन्तुष्टि देखिएको छ ।