शक्ति राष्ट्रहरूको सामरिक भूराजनीतिक स्वार्थले सुरक्षा चुनौती थपियोः प्रधानमन्त्री

१४ चैत्र, काठमाडौं । प्रधानमन्त्री पुष्पकमल दाहाल प्रचण्डले शक्ति राष्ट्रहरुको सामरिक भूराजनीतिक स्वर्थको चपेटामा रहेको नेपालमा माथि पछिल्ला दिनहरुमा सुरक्षाको चुनौती बढ्न खतारा रहेको बताएका छन् । उनले मुलुकको भू-राजनीतिक अवस्थित र अन्तर्राष्ट्रिय एवं क्षेत्रीय रुपमा शक्ति राष्ट्रहरुले सामरिक सामथ्र्यता बढाउँदै लाँदा नेपालमा सूरक्षा चुनौती बढेको बताएका हुन् ।

राष्ट्रिय सुरक्षा तालिमको समापन समारोहलाई मंगलबार सम्बोधन गर्दै प्रधानमन्त्री प्रचण्डले अहिलेका सुरक्षा चुनौतीका आयाम र त्यसका कारण हुनेसक्ने खतराबारे नेपालले समयमा नै सोच्न आवश्यक भएको बताए । वर्तमान समयमा विभिन्न सुरक्षा चुनौतीको सामना गर्नु परिरहेको भन्दै देशको भू–राजनैतिक अवस्थिति, अन्तर्राष्ट्रिय एवं क्षेत्रीय रुपमा शक्ति राष्ट्रहरुको सामरिक सामथ्र्य बढोत्तरी बताएको बताए । प्रचण्डले शक्ति राष्ट्रको प्रतिस्पर्धा, प्रभाव, सीमा विवाद, जलवायु परिवर्तनको असरमाथि नेपाल सचेत रहनुपर्ने बताए ।

उनले अहिले नेपालले आन्तरिक रुपमा विद्यमान रहेको राजनीतिक जटिलता, विश्व आर्थिक मन्दी र त्यसको राष्ट्रिय प्रभाव, राष्ट्रिय एकता र सुरक्षामाथि प्रहार गर्न खोज्ने अतिवादी एवं पृथकतावादी सोच, दक्ष जनशक्तिको पलायन, खुला सीमाना र त्यसले निम्त्याउन सक्ने आपराधिक गतिविधिहरु लगायतका चुनौतीहरु आज एकसाथ सामना गर्नुपरिरहेको बताए ।

प्रधानमन्त्री प्रधानमन्त्री चण्डले परिवर्तित परिस्थितिमा राष्ट्रिय सुरक्षा नीतिको सही मूल्यांकन, अध्ययन र विश्लेषण गर्नु अत्यन्तै जरुरी रहेको भन्दै नेपालको प्राथमिकता र विश्लेषण सुरक्षा खतराको बहु–आयामिक पक्षहरू र त्यसको समाधानको कुशलतामा केन्द्रित हुनुपर्ने बताए । उनले परम्परागत एवं विकसित सुरक्षा खतराका नयाँ आयामहरूको थप गहिरो अध्ययन र विश्लेषण गरी आवश्यक पहलकदमीका लागि पनि सम्बन्धिन निकायका अधिकारीहरुलाई निर्देशन दिए ।

उनले यस्ता चुनौतीहरूको डटेर सामना गर्नुपर्ने उल्लेख गरे । ’राजनीतिक, अर्थतन्त्र, कूटनीति, सञ्चार तथा सैन्य शक्तिलाई उचित नीति एवं साधन श्रोतले सम्पन्न गराउँदै समन्वय र सहकार्यको माध्यमबाट उचित ढंगबाट राष्ट्रिय हितमा प्रयोग गरी त्यस्ता चुनौतीहरुको डटेर सामना गर्न हामी सक्षम छौं भन्ने मैले विश्वास लिएको छु। यसका लागि नेपाल सरकारको तर्फबाट आवश्यक सहयोग र सहजीकरण हुने पनि म विश्वास दिलाउँछु’ उनले भने ।