टिकटका लागि माओवादी छाडेर जनमतमा गए कुशवाह

१५चैत, काठमाडौं । उपनिर्वाचनमा टिकट दिने भएपछि नेकपा माओवादीका नेता शिवचन्द्र कुशवाह जनमत पार्टीमा प्रवेश गरेका छन् । बारा–२ मा जनमतले शिवचन्द्र कुशवाहालाई उमेदवार बनाउने पूर्व सहमति अनुसार उनले माओवादी छाडेका हुन् ।

माओवदी छाडेर आए सीके राउत नेतृत्वको जनमत पार्टीले बारा क्षेत्र नम्बर २ को उपनिर्वाचनमा शिवचन्द्र कुशवाहालाई उमेदवार बनाउने आश्वासन दिएको थियो । आज रिपोटर्स क्लबमा पत्रकार सम्मेलन गर्दै नेकपा माओवादी छाडेर पार्टी प्रवेश गरेका कुशवाहालाई जनमतले उमेदवार बनाउन लागेको हो ।

कुशवाहा यसअघि कांग्रेससहितको गठबन्धनबाट बारा–२ बाटै उमेदवार बनेका थिए । उनी जसपाका रामसहायप्रसाद यादवसँग पराजित भएका थिए । जनमत पार्टीका अध्यक्ष राउतले जनताले कुशवाहालाई निर्वाचित गर्ने बताए । बारा–२ मा वैशाख १० गते उपनिर्वाचन हुँदै छ ।