ठगीको आरोपमा नौ चिनियाँसहित १८ जना पक्राउ

१५ चैत, काठमाडौं । प्रहरीले अनलाइनमार्फत करोडौँ ठगी गरेको आरोपमा ९ जना चिनियाँ नागरिकसहित १८ जनालाई पक्राउ गरेको छ । उनलीहरुलाई उपत्यकाका विभिन्न ठाउबाट समातिएको हो । उजुरीका आधारमा समातेर अनुसन्धान सुरु गरिएको प्रहरीले जनाएको छ ।

उनीहरूविरुद्ध अनलाइनमार्फत काठमाडौं उपत्यकाका विभिन्न ठाउँमा ह्वास एप, टेलिग्राम र अपरेसन टिचर नामक च्यानलको प्रयोग गरेर करोडौँ ठगी गरेको उजुरी परेपछि अनुसन्धान प्रक्रिया अघि बढाइएको काठमाडौं उपत्यका अपराध अनुसन्धान कार्यालयले जनाएको छ । पक्राउ पर्नेमा नौ नेपाली र नौ चिनियाँ नागरिक छन् । यस घटनाबारे थप अनुसन्धत्रान भइरहेको प्रहरीले जनाएको छ ।