सांग्रिला डेभलपमेन्ट बैंकको ८.५३४ प्रतिशत बोनस शेयर पारित

१७ चैत, काठमाडौं । सांग्रिला डेभलपमेन्ट बैंकले १८ औँ बार्षिक साधारण सफलतापूर्वक सम्पन्न गरेको छ । शुक्रबार काठमाडौंमा एक कार्यक्रमको आयोजना गरि आ.व. ०७८÷७९ को वित्तीय विवरण पारित गरी १८ औं वार्षिक साधारण सभा सम्पन्न गरेको हो ।

बैंककोे साधारण सभाबाट सञ्चालक समितिले प्रस्ताव गरे बमोजिम डेभलपमेन्ट बैंकको चुक्ता पूँजी ३,०१,०६,६९,६६२÷– को ८.५३४ प्रतिशत बोनस शेयर तथा कर भुक्तानी प्रयोजनका लागि चुक्ता पूँजीको ०.४४९ प्रतिशतले हुन आउने रकम रु. १,३५,२२,२१३.४० (अक्षेरुपी एक करोड पैतीस लाख बाईस हजार दुई सय तेह्र र पैसा चालीस मात्र) नगद लाभांश वितरण गर्ने प्रस्ताव पारित गरिएको छ ।

साथै, सोही साधारण सभा मार्फत तपसिल बमोजिम संस्थापक र सर्वसाधारण शेयरधनीहरुको तर्फबाट प्रतिनिधित्व गर्नुहुने ६ जना संचालकहरु निर्विरोध निर्वाचित भएको बैंकले जनाएको छ । जसमा संस्थापक समूहमा उज्जवल सत्याल र सुशिल काजी बानियाँ निर्वाचित भएका छन् । यस्तै सर्वसाधारण समूह तर्फ लिसा शेरचन, सुजन सिद्धि बज्राचार्य र नरेश ढुङगाना रहेका छन् ।

बैंकलाई आम जनमानसले गरेको प्रगाढ विश्वास, अगाध स्नेह र बैंक प्रतिको भरोसाले गर्दा मुलुकभर ११२ शाखा कार्यालयहरु, ३० एटिएम, साथै संस्थागत सुशासन, जोखिम व्यवस्थापन र आन्तरिक नियन्त्रण प्रणालीको उत्कृष्ट अभ्यासलाई पालना गर्दै आएको बैंकले जनाएको छ ।