मिटरब्याज पीडितको समस्या सुल्झाउन उच्चस्तरीय आयोग बनाइँने

१८ चैत, काठमाडौं । सरकारले मिटरज्याज पीडितका समस्या समाधानका लागि उच्चस्तरिया आयोग गठन गर्ने भएको छ । शनिवार मिटरव्याजी पीडित र प्रधानमन्त्री पुष्पकमल दाहाल प्रचण्डबीच भएको छलफलमा आयोग बनाएर समस्याको समाधान गर्न उच्चस्तरिय आयोग बनाएर दोषीमाथि कारवाही गरिने प्रतिबद्धता जनइएको छ । न्याय माग्दै प्रधानमन्त्रीको सरकारी निवास बालुवाटारमा पुगेका मिटरब्याज पीडितको गुनासो सुनेपछि प्रचण्डले सरकारले कानून बनाएर दीर्घकालीन रुपमै यसको समाधान गर्ने प्रतिबद्धता व्यक्त गरेका हुन् ।

प्रचण्डले अब ऐन बनाउने काम सरकारले गर्ने र कानुन बनाएर दीर्घकालीनरुपमा नै यस समस्या समाधान गरिने बताए । उनले गृहको टोलीसँग बार्ता गरी सहमति गरेर ढुक्क भएर घर जान पीडितलाई भनेका छन् । मिटरब्याज समस्या समाधानका लागि तत्काल उच्चस्तरीय आयोग बनाउने निर्णय मन्त्रिपरिषदले गरिसकेको बताउँदै उनले न्याय पाइन्छ भन्नेमा ढुक्क हुन आग्रह गरे । प्रधानमन्त्रीले मिटरब्याजपीडितहरूका समस्या दीर्घकालीन समाधानका लागि सरकारले ऐन निर्माणको काम थालिसकेको बताए ।

मिटरब्याजीलाई ऐनद्वारा नै कारबाही गर्न र उनीहरूमाथि मुद्दा चलाउन सक्नेगरी ऐन तयारीको अन्तिम चरणमा रहेको भन्दै प्रचण्डले यसमा दीर्घकालीन समाधान गर्ने भनेको ऐनको नै व्यवस्था नभएकाले मिटरब्याज पीडितहरुलाई न्याय दिने र मिटरब्याजीहरुलाई कारबाही गर्ने ऐनको व्यवस्था गर्न लागिएको बताए । मिटरब्याजीलाई ऐनद्वारा नै कारबाही गर्न सकियोस र उनीहरुमाथि मुद्दा चलाउन सकियोस् भनेर ऐन बनाउने प्रक्रिया अघि बढाइएको उनले जानकारी दिए ।

बालुवाटार पुगेका पीडितहरूले १० लाख ऋणको २७ लाख तिर्दा पनि साहुले शारीरिक यातनासहितका कष्ट दिएको सुनाएका थिए । प्रधानमन्त्री प्रचण्डले सुरुदेखि नै आफूले गृह मन्त्रालयलाई यो मुद्दालाई सम्बोधन गर्न निर्देशन दिएको बताए । साहुकारहरूको विभिन्न सरकारी तह र राजनीतिक तहमा पनि साँठगाँठ भएकोमा आफू जानकार रहेको उल्लेख गर्दै उनले फिल्डमै गएर कारबाही गर्न सक्ने आयोग बनाइने बताए ।

प्रचण्डले भने, ’साहुकारहरूको राज्यका विभिन्न निकायमा रहेका केही व्यक्तिसँग साँठगाँठ रहेकाले आफ्नाो पावर प्रयोग गरेर अत्याचार गरिरहेका छन् । तत्काल फिल्डमा गएर उच्चस्तरीय आयोग बनाएर कारबाही गर्न सक्ने आयोग बनाइन्छ । त्यसलाई ¥यापिड एक्सन फोर्सजस्तो आयोग बनाइन्छ । त्यसले सिधै मान्छेलाई बोलाउने र पुर्जी काटेर कारबाही गर्ने काम हुन्छ । खालि फिल्डमा गएर रिपोर्ट बनाउने बुझाउने मात्र काममा हुनुहुँदैन ।’