उपनिर्वाचनमा बारा–२ मा उपेन्द्र यादवलाई कांग्रेसले सघाउने

१९ चैत, काठमाडौं । नेपाली कांग्रेसले बारा–२ मा उपेन्द्र यादवलाई सघाउने निर्णय गरेको छ । पार्टी कार्यालय सानेपामा बसेको केन्द्रीय कार्यसम्पादन समिति बैठकले बैशाख १० मा हुने उपनिर्वाचनमा यादवलाई साझा उम्मेदवारका रुपमा प्रस्तुत गर्ने निर्णय गरेको हाे ।

बैठकमा उपनिर्वाचनबारे छलफल भएको थियो । यसअघि कांग्रेसले तनहुँ–१ बाट गोविन्द भट्टराई र चितवन–२ बाट जितनारायण श्रेष्ठलाई उठाउने निर्णय गरेको थियो।

आइतबार बसेको कार्यसम्पादन समितिको बैठकले बारा, चितवन र तनहुँमा ०७९ को निर्वाचनमा भन्दा पहिला स्वतन्त्र उम्मेदवारी दिएका र अनुशासन उल्लंघन गरेका नेताहरुमाथि गरिएको कारबाही फुकुवा गर्ने निर्णय गरेको सहमहामन्त्री बन्द्री पाण्डेले बताए ।