बारा-२ मा उपेन्द्रलाई महन्थको साथ

१९ चैत, बारा । बारा क्षेत्र नम्बर २ मा हुने उपनिर्वाचनमा सत्तासाझेदार दल लोकतान्त्रिक समाजवादी पार्टी (लोसपा) ले जनता समाजवादी पार्टीका अध्यक्ष उपेन्द्र यालवलाई सभाउने भएको छ । उसले उपनिर्वाचना आफ्नो उम्मेदवार नउठाउने भएको छ ।

गठबन्धनका उमेदवारलाई सघाउने शनिबार बसेको बैठकले निर्णय गरेको केन्द्रीय कार्यकारिणी समितिका सदस्य केशव झाले जानकारी दिए । बारा–२ मा गठबन्धनको तर्फबाट जनता समाजवादीका अध्यक्ष उपेन्द्र यादवलाई उमेदवार बनाउन दलहरू सहमत भएकाले उमेदवार नउठाइने झाले बताए ।

गठबन्धनबाट साझा उमेदवार उठाउने सहमति भइसकेको र गठबन्धनको उमेदवारलाई पार्टीले सघाउने कुरा भएको उनले बताए । उपनिर्वाचनमा लोसपाका नेता राजेन्द्र महतो उमेदवार बन्ने तयारी गरेका थिए । गठबन्धनको निर्णयसँगै उनी ब्याक भएका छन् । बारा क्षेत्र नम्बर २ मा हुने उपनिर्वाचनमा सोमबार उमेदवारी दर्ता हुँदै छ ।