तातोपानी र हिल्सा नाका खोल्न चीन तयार

१९ चैत, काठमाडौं । उद्योग, वाणिज्य तथा आपूर्ति मन्त्रालयले चीनसँग जोडिएका दुई व्यापारिक नाका तातोपानी र हिल्सा खोल्न चीन सहमति भएको जानाएको छ । यी नाका बैशाख १८ गते देखि पूर्ण खुला हुने भएका छन् । यही चैत १५ गते तिब्बतको ल्हासामा बसेको नेपाल–चीन सीमा व्यापार संयन्त्रको पहिलो बैठकमा यस्तो निर्णय गरेको उद्योग, वाणिज्य तथा आपूर्ति मन्त्रालयले जनाएको छ ।

तिब्बतसँग जोडिएका नेपाली नाका क्रमैसँग खोल्दै जाने सहमति अनुसार दुवै नाका १८ वैशाखदेखि खुलाउने निर्णय भएको हो । अब सबै नाका खुल्दै जाने मन्त्रालयले जनाएको छ । नेपाल चीन दोस्रो ठूलो व्यापारिक नाका तातोपानी सोही दिनबाट व्यापारका लागि दुईतर्फी रुपमा खुला हुने भएको हो । भन्सार कार्यालयका अनुसार चीनले १८ वैशख (१ मे ) बाट नाकाको व्यापार दोहोरो सञ्चालन गर्नेगरी तयारी गर्न सूचना पनि पठाएको छ ।