उपनिर्वाचनमा जोशीले छोडे मैदान

१९  चैत, दमौली । नेपाली कांग्रेसले आज मात्र कारवाही फुकुवा गरेका पूर्वमन्त्री गोविन्द राज जोशीले उपनिर्वाचनमा तनहुँ १ बाट उम्मेदवारी नदिने भएका छन् । उनले यसअघिका दुई वटा चुनावमा स्वतन्त्र उम्मेदवारी दिएर प्रतिस्पर्धा गरेका थिए । आइतबार दमौलीमा भएको कार्यक्रममा जाशीले उपनिर्वाचनमा उम्मेदवार ीनदिने बताएका छन् । उनीले यसअघिका दुई वटै चुनावमा रामचन्द्र पौडेलविरुद्ध उम्मेदवार दिएएका थिए ।

२०७४ को चुनावमा निर्वाचन आयोगले उम्मेदवारी रद्ध गरेपछि एमालेका उम्मेदवारलाई सहयोग गरेका उनले गत मंसिरको चुनावमा भने तनहुँ १ मा ६ हजार ८८६ मत ल्याएका थिए । यसपालिको उपचुनावमा आफले उम्मेदवारुी नदिने बताएका जाशीले कुन उम्मेदवारलाई समर्थन गर्ने वा नगर्ने खुलाएका छैनन् ।

तनहुँको राजनीतिमा प्रभाव राख्ने जोशीको समूह नेपाली कांग्रेस, नेकपा एमाले र राष्ट्रिय स्वतन्त्र पार्टीका उम्मेदवारमध्ये एक जनालाई समर्थन गर्ने योजनामा छ । तनहुँ–१ मा नेपाली कांग्रेसका गोविन्द भट्टराई, नेकपा एमालेका सर्वेन्द्र खनाल र राष्ट्रिय स्वतन्त्र पार्टीका स्वर्णिम वाग्ले मुख्य प्रतिस्पर्धी हुन् ।

गोविन्दराजका छोरा दीपकले नेकपा एमालेको सहयोगमा उपचुनाव लड्ने तयारी गरेको भए पनि एमालेले आफ्नै उम्मेदवार उठाएको छ । २०७४ को निर्वाचनमा पार्टीको साख गिराएको र विपक्षी पार्टीलाई जिताउन लागेको भन्दै जोशीलाई कांग्रेसले साधारण सदस्य समेत नरहने गरि कारबाही गरेको थियो ।

आइतबार बिहान बसेको कांग्रेस केन्द्रीय कार्य सम्पादन समितिले २०७४ को चुनावलाई आधार बनाएर गरिएको कारबाही फुकुवा गर्ने निर्णय गरेको थियो । उपचुनावमा पार्टीका उम्मेदवारलाई सहयोग गरेमा जोशीको कांग्रेसँग सम्बन्त्र सुधार हुने केहि कार्यकर्ताको अपेक्षा छ ।