फेवातालमा खसेका प्याराग्लाइडरको मृत्यु

पोखरा । पोखराको फेवातालमा खसेको प्याराग्लाइडर रोमानियाका नागरिक इडिई केजीको मृत्यु भएको छ । आइतबार बिहान पोखराको फेवातालमा खसेको प्याराग्लाइडिङमा रहेका प्याराग्लाइडर रोमानियाका नागरिकको मृत्यु भएको हो।

अस्पताल आइपुग्नु अगावै ४० वर्षीय केजीको मृत्यु भएको अस्पतालको आइसियु विभागमा कार्यरत डा गोविन्दराज पाण्डेले बताए । फेवातालको मध्यभागमा खसेको १० मिनेटमा नै उनलाई उद्धार गरी पोखराको मेट्रोसिटी अस्पताल लगिएको थियो । साराङकोटबाट उडेको प्याराग्लाइडिङ ल्यान्डिङ गर्न नसकेर फेवातालमा खसेको थियो। तालको मध्यभागमा खसेको प्याराग्लाडिङको उद्धारका लागि ५ वटा डुंगा पुगेका थिए।