थाइल्याण्डमा प्रचा रथलाई धेरै मत, फेउ थाईका धेरै सांसद विजयी
![इन्द्र रिजाल](
https://nepalbahas.prixacdn.net/media/albums/Indra_Rijal_MwZXtSM0ir.jpg
)
इन्द्र रिजाल
चैत १५, २०७५ शुक्रबार १२:३२:१
![](https://nepalbahas.prixacdn.net/media/albums/Thailand-Election_MF5KfZgVru.jpg)
बैंकक । थाइल्याण्डमा गत आइतबार भएको मतदानबाट पालङ प्रचा रथ पार्टीले सबैभन्दा धेरै मत पाएको छ । निर्वाचन आयोगले बिहीबार सार्वजनिक गरेको विवरणअनुसार पालङ पार्टीले सबैभन्दा धेरै मत पाए पनि फिउ थाइ पार्टीले सबैभन्दा धेरै सिटमा जित हासिल गरेको छ ।
देशभरको मतगणना सम्पन्न भएपछि आयोगले पालङ पार्टीले ८४ लाख ३० हजार मत प्राप्त गरेको छ भने त्यसलाई पछ्याउँदै फिउ थाइ पार्टीले ७९ लाख २० हजार मत पाएको छ ।
मतका आधारमा तेस्रो भएको फ्युचर फरवार्ड पार्टीले ६२ लाख ६० हजार मत पाएको निर्वाचन आयोगको विवरणमा उल्लेख छ । त्यसैगरी डेमोक्रेट्स पार्टीले ३९ लाख ४० हजार मत ल्याउँदा भुम्जै थाई पार्टीले ३७ लाख ३० हजार मत पाएको छ ।
पार्टीतर्फको मत प्रचा रथले सबैभन्दा धेरै पाए पनि सांसद नै विजयी हुनेको सङ्ख्या भने फिउ थाईको सबैभन्दा बढी रहेको छ । कूल पाँच सय सीटमा फिउ थाइले सबैभन्दा धेरै अर्थात् १३७ सिटमा जित हासिल गरेको छ भने पालङ प्रथा रथले ११८ सिट जितेको छ । त्यसैगरी फ्युचर फरवार्ड पार्टीले ८८ सिट जित्दा डेमोक्र्याटस् र भुम्जै थाई पार्टीले ५० भन्दा बढी सिटमा मात्रै विजयी भएको छ ।
थाइल्याण्डको संसदको तल्लो सदनमा ३५० जना प्रत्यक्ष निर्वाचित र १५० जना पार्टीबाट निर्वाचित गरी ५०० जना सांसद रहन्छन् भने माथिल्लो सदनमा २५० जना सेनाले मनोनीत गर्ने व्यवस्था रहेको छ । केही वर्ष अगाडि सेनाले नै बनाएको संविधानमा २५० जना सेनाले सांसद मनोनीत गर्ने व्यवस्था गरिएको हो ।
सन् २०१४ मा भएको सैनिक “कू” पछि थाइल्याण्डमा गत आइतबार पहिलो पटक आम निर्वाचन भएको हो । पटकपटक सरेर भएको निर्वाचनको निष्पक्षता र वैधानिकतामाथि भने विभिन्न क्षेत्रबाट अहिले पनि प्रश्न उठाइएको छ ।
पूर्वप्रधानमन्त्री थाक्सिन सिनावात्रा, कतिपय स्वतन्त्र अन्तर्राष्ट्रिय पर्यवेक्षकलगायतले मतदान र मतगणनामा त्रुटी रहेको दाबी गरेका छन् । उनीहरूले देशव्यापी रूपमा मतदातालाई लोभ, त्रास र प्रभावमा पारेको बताएका छन् । विवादका बीचमा पनि नतिजा सार्वजनिक भएको छ भने सात पार्टीले बुधबार नयाँ गठबन्धन बनाएका छन् ।
सबैभन्दा धेरै सिटमा विजयी हासिल गरेको फिउ थाइ पार्टीकै नेतृत्वमा गठबन्धन गराइएको हो । गठबन्धनमा स्वेच्छिक निर्वासनमा रहनु भएका पूर्वप्रधानमन्त्री थाक्सिन सिनावात्राको समर्थन रहेको फिउ थाई पार्टीसहित अन्य छ पार्टी रहेका छन् ।
सो गठबन्धनका तर्फबाट प्रधानमन्त्रीको उम्मेदवारका रूपमा सुदारात केयुराफानलाई अगाडि सारिएको छ । गठबन्धनले छिट्टै नै सरकार बनाउने प्रयास गर्ने उनले बताए ।
इन्द्र रिजाल
इन्द्र रिजाल नेपालबहस डटकमका प्रधान सम्पादक हुन् । अर्थ राजनीतिक धारमा कलम चलाउने वरिष्ठ पत्रकार रिजालले आर्थिक, राजनीतिक तथा सामाजिक परिवेशका विषयवस्तुको यर्थाथमुखी चित्रण गर्छन् ।
लेखकबाट थपकेन्यामा कर बढाएको विरोधमा संसद भवनमा तोडफोड र आगजानी
असार १२, २०८१ बुधबार
युक्रेनी राष्ट्रपति जेलेन्स्कीले बर्खास्त गरे एक शीर्ष कमाण्डर
असार ११, २०८१ मंगलबार
केजरीवाललाई जमानत दिने तल्लो अदालतको आदेश उच्च अदालतद्वारा खारेज
असार ११, २०८१ मंगलबार
टेलिकमको बिलिङ प्रणालीमा अर्ब बढी हिनामिना आरोपमा मुद्दा चलाउने अख्तियारको तयारी
असार ११, २०८१ मंगलबार
विदेशबाट आएका कामतको होटलमा शङ्कास्पद मृत्यु, साथमा आएकी परस्त्री फरार
असार ११, २०८१ मंगलबार
मुख्यसचिवका दाबेदार गृहसचिव अर्याल ढुक्कै विदेश भ्रमणमा
असार ११, २०८१ मंगलबार
केन्यामा कर बढाएको विरोधमा संसद भवनमा तोडफोड र आगजानी
असार १२, २०८१ बुधबार
युरोकप : नेदरल्याण्डसलाई हराउँदै अस्ट्रिया नक आउट चरणमा
असार १२, २०८१ बुधबार
लमजुङमा पहिरोले ३ घर पुरिँदा ४ जना बेपत्ता
असार १२, २०८१ बुधबार
डेढ दशकपछि म्याग्दीको बेनी–भकिम्ली सडक स्तरोन्नति
असार १२, २०८१ बुधबार
युरोकप: समुह 'सी' बाट इङल्याण्ड, डेनमार्क र स्लोभेनिया नकआउट चरणमा
असार १२, २०८१ बुधबार