न्यायाधीश भुवन गिरिविरुद्ध पक्राउ पुर्जी जारी

२२ चैत, काठमाडौं । जिल्ला अदालत कपिलवस्तुले न्यायाधीश भुवन गिरिविरुद्ध ‘वैवाहिक जबरजस्ती करणी’ कसुरमा अनुसन्धानका लागि पक्राउ पुर्जी जारी गरेको छ । जिल्ला प्रहरी कार्यालय कपिलवस्तुले वैवाहिक बलात्कार कसुरमा अनुसन्धान गर्न न्यायाधीश गिरिलाई पक्राउको अनुमति मागसहित अदालत समक्ष निवेदन दिएको थियो । 

सोहीअनुसार गिरीविरुद्ध सोमबार पक्राउ पुर्जी जारी भएको अदालतका श्रेस्तेदार सुमन पाण्डेले जानकारी दिए । न्यायाधीश गिरीविरुद्ध उनकै श्रीमतीले वैवाहिक करणीको उजुरी कपिलवस्तु प्रहरीमा दिएकी थिइन् । न्यायाधीश गिरिको न्याय परिषदमा सरुवा भइसकेको छ ।

यसअघि न्यायाधीश गिरिकी पत्नी आरती रावलविरुद्ध पनि शैक्षिक प्रमाणपत्र लगायतका सरकारी कागजात किर्ते गरेको अभियोगमा रावललाई पक्राउ गर्न बाँके जिल्ला अदालतले अनुमति दिएको थियो ।