आइएमई जनरल र प्रुडेन्सियलबीच मर्जरका लागि अन्तिम सम्झौता

२२ चैत, काठमाडौं । आइएमई जनरल इन्स्योरेन्स र प्रुडेन्सियल इन्स्योरेन्स कम्पनीबीच मर्जरका लागि अन्तिम सम्झौता भएको छ । आज सम्पन्न आइएमई जनरल इन्स्योेरेन्स लिमिटेडको विशेष साधारण सभामा यसबारे जानकारी दिइएको हो । दुवै कम्पनी गाभिए पश्चात बन्ने आइजीआई प्रुडेन्सियल इन्स्योरेन्स लिमिटेडको चुक्तापूँजी ३ अर्ब २ करोड ९३ लाख ३४ हजार ६ सय ३९ हुने आइएमई जनरजका अध्यक्ष हेमराज ढकालले जानकारी दिए ।

कम्पनी गाभिए पश्चात हुने कम्पनीको अन्तराष्ट्रिय, राष्ट्रिय, स्थानिय पहुँच, अनुभव, क्षमतलाई बढीभन्दा बढी उपयोग गरी ७ वटै प्रदेशमा शाखा विस्तार गरी डिजिटल माध्यमबाट उत्कृस्ट सेवाप्रदान गर्ने उद्देश्यले कम्पनीहरु एक आपसमा गाभिने निर्णय गरिएको उनले जानकारी दिए ।  ढकालले गाभिएपछि कम्पनीको अधिकृत पूँजी ५ अर्ब  र चुक्तापूँजी ३ अर्ब २ करोड, शाखा ८४, कर्मचारी संख्या ५१७ हुने र कुल व्यवसाय करिब ४ अर्ब हुने बताए ।  

अध्यक्ष ढकालले हालको बीमा बजार तथा नियमन निकायबाट चुक्तापूँजी सम्बन्धी प्राप्त निर्देशनलाई मध्येनजर गरी आइएमई जनरल इन्स्योरेन्स लिमिटेड र प्रुडेन्सियल इन्स्योरेन्स कम्पनी लिमिटेड मर्जर सम्बन्धी अन्तिम सम्झौता भएकाले सोही अनुसार विशेष साधारणसभा बोलाइएको जानकारी दिए । प्रारम्भिक सम्झौतापत्रका आधारमा शेयर अनुपात क्रमश १ः१ कायम गरिएको बताए । 

नेपालमा रहेका दुई उत्कृस्ट व्यवसायी घराना आइएमई ग्रुप र विशालग्रुपका साथै संस्थासँग आवद्ध अन्य व्यावसायिक घराना यस कम्पनिमा सम्मिलित भएकाले उत्कृस्ट व्यवसाय हासिल गरी शेयरधनीहरुलाई उचित प्रतिफल प्रदान गर्ने विश्वासव्यक्त लिइएको बताए ।