उम्मेदवारलाई आज चुनाव चिह्न प्रदान गरिने

२३ चैत,काठमाडौं । प्रतिनिधिसभातर्फ हुन लागेको उपनिर्वाचनका उम्मेदवारहरूलाई निर्वाचन आयोगले आज चुनाव चिह्न प्रदान गर्दैछ । वैशाख १० गते हुने उपनिर्वाचनका लागि आजै उमेदवारको अन्तिम नामावली पनि प्रकाशन हुँदै छ । 

बिहान ९ बजेदेखि दिउँसो १ बजेसम्म उम्मेदवारी फिर्ता लिन इच्छुकका लागि समय तोकिएको निर्वाचन आयोगले जनाएको छ । त्यसपछि उमेदवारको अन्तिम नामावली प्रकाशन गरिनेछ । आयोगका अनुसार आजै चुनाव चिह्न वितरण गरिनेछ । चुनाव चिह्न वितरणपछि उपनिर्वाचनको प्रचारप्रसार सुरु हुनेछ ।
 आउँदो वैशाख १० गते बिहान ७ बजेदेखि साँझ ५ बजेसम्म मतदानको कार्यतालिका छ । चितवन–२, तनहुँ–१ र बारा–२ मा आगामी वैशाख १० गते प्रतिनिधिसभा सदस्यका लागि हुने उपनिर्वाचन हुँदै छ ।