काठमाडौं उपत्यकाकाे फोहोर थुपार्ने क्षेत्रमा हवाई दुर्घटनाको खतरा !

२३ चैत, काठमाडौं । काठमाडौं उपत्यका फोहोर थुपार्ने क्षेत्रमा हवाई दुर्घटनाको खतरा रहेको बताएका न् । बिहीबार प्रतिनिधिसभाको बैठकमा विशेष समयमा दलीय प्रतिनिधित्वको रुपमा बोल्दै एकीकृत समाजवादीका सांसद राजेन्द्रप्रसाद पाण्डले फोहोर व्यवस्थापन गर्दै आइरहेको बञ्चरे डाँडा क्षेत्रमा हवाई दुर्घटनाको संभावना बढेको बताएका हुन् । 

उनले धादिङको धुनिबेसी नगरपालिका र नुवाकोटको सीमानामा पर्ने बञ्चरे डाँडामा थुपारिएको फोहोरबाट चिल, गिद्ध लगायत पन्छीहरु बाक्लिँदै गएको र त्यस क्षेत्र हवाई जहाजको रट समेत रहेको हुँदा दुर्घटनाको खतरा बढेको बताए । 

साथै पंक्षीहरुले फोहोरबाट हड्डी, मासुका टुक्रा बाेकेर स्थानीयको घरको छतमा लगेर चरम दुर्गन्धित तुल्याएको भन्दै समस्या समाधानका लागि संसदीय टोली खटाउन सभामुखसँग आग्रह गरे । 

उनले फोहोरलाई वैज्ञानिक तवरले व्यवस्थापन गर्न र स्थानीयलाई प्रदुषणमुक्त तरिकाले बाँच्न दिन माग गर्ने स्थानीयलाई युवाहरुलाई राज्यले वारेन्ट जारी गरेर आतंक मच्चाइरहेको भन्दै आपत्ति जनाए । वारेन्ट तत्काल खारेज गर्न माग गरे । 

पोल्पो खोलामा बगाउँदै आइरहेको फोहोरको तरल पदार्थ तत्काल रोक्न, फोहोर मैला प्रभावित क्षेत्रमा शिक्षकको व्यवस्था गर्न र स्थानीयको स्वास्थ्य सेवाका लागि स्वास्थ्योेपचार सेवा र एम्बुलेन्स उप्लब्ध गराउनुपर्ने स्थानीयकाे माग तत्काल पूरा गर्न सांसद पाण्डेले सरकारको ध्यानाकर्षण गराए ।