सरकारले संसदमा उठाएको विषयलाई नसुनेको भन्दै सांसद ढकालद्वारा बैठकमा मौनधारण

२४ चैत, काठमाडौं । राष्ट्रिय स्वतन्त्र पार्टीका सांसद हरिप्रसाद ढकालले प्रतिनिधिसभा बैठकमा सांसदहरुले बोलेका कुरा सरकारले नसुनेको भन्दै विरोधमा बैठकमै मौनधारण गरेका छन् ।

शुक्रबार बसेको प्रतिनिधिसभाको बैठकमा उनले शून्य समयमा बोल्ने पालोमा मौनधारण गरेका हुन् । रास्वपा सरकारलाइ समर्थन गरेपनि सहभागी भने भएकाे छैन ।

‘‘सम्माननीय सभामुख महोदय, यो सरकारले हामी मानननियहरुले बोलेको कुराले निरन्तर बेवास्ता गरेको भएर मैले यो शून्य समयमा मौन धारण गरेँ । धन्यवाद,’ उनले आफ्नो भनाइ अन्त्य भएको बताए । उनले सभामुख देवराज घिमिरेले बोल्न दिएका एक मिनेटसम्म मौनधारणमा बिताए ।