मन्त्रीको गाँठो फुकाउन शीर्ष तहको प्रयास पनि असफल

 २४ चैत्र, काठमाडौं । नेपाली कांग्रेसको आन्तरिक विवादका कारण पूर्णता पाउन नसकेको मन्त्रिपरिषदलाई पूर्णता दिन बिहीबार साँझ र शुक्रबार विहान शीर्ष तहमा भएका छलफल पनि असफल भएका छन् । कांग्रेसले ८ मन्त्रालयको भाग पाउँदा आफूले तीन मन्त्रालय पनि नपाएको भन्दै असन्तुष्ट बनेको शेखर कोइराला समूहले अझैसम्म नाम दिएको छैन् । कोइराला समूहले जनमत पार्टीले सो मन्त्रालय नलिने भए आफुहरुलाई दिएर तीन मन्त्रालय पुर्याउन माग गरेका छन् । 

कांग्रेसबाट बाँकी मन्त्री पठाउनेबारे सभापति शेरबहादुर देउवाले इतर समूहका नेता डा. खेखर कोइरालालाई निवासमा नै बोलाएर चाँडो मन्त्रीमा पठाउनेको नाम दिन भनेका थिए । सभापतिले सो समुहका मन्त्रीबारे चासो राखेपछि कोइरालाले बिहीबार साँझ सभापति देउवागँग भेटेर छलफल गरेका थिए । धुम्बाराहीमा भएको छलफलमा पनि कोइरालाई दुई जनाको मात्र नाम पठाउँदा विवाद आउने भएकाले पठाउन नसकिएको भन्दै जताबाट भएपनि एक मन्त्रालय मिलाए तीन मन्त्रालय पुर्याउन भनेका थिए । 

जवाफमा सभापति देउवाले दुई भन्दा दिन नसकिएकाले यसैमा लिाएर ना दिन भन्दै अर्को पटकमा यसमा व्यवस्थापन मिलाउँला भनेको एक नेताले बताए । यसै विषयमा शुक्रबार विहान प्रधानमन्त्री पुष्पकमल दाहाल प्रचण्ड र कांग्रेस नेता शेखर कोइरालाबीच पनि छलफल भएको थियो । नेता कोइराला शुक्रबार विहान नेता मिनेन्द्र रिजाललाई बालुवाटार गएका थिए । प्रधानमन्त्री प्रचण्ड र नेता कोइरालाबीच मन्त्रिपरिषद बिस्तारबारे छलफल हुँदा पनि कोइएराले सभापतिले दुई मात्र मन्त्रालय दिएकाले नाम पठाउन समस्या परेको बताएका थिए । 

प्रधानमन्त्रीका राजनीतिक सल्लाहकार हरिबोल गजुरेलले नेपाल बहसलाई दिएको जानकारी अनुसार प्रधानमन्त्रीले कांग्रेस र जसपाले मन्त्रीको नाम नपठाउँदा मन्त्रिपरिषदले पूर्णता पाउन नसकेको र बाहिर पनि यसले राम्रो सन्देश नगएको भन्दै पार्टी सभापति देउवासँग सल्लाहरु चाँडो मन्त्रीको नाम पठाइदिन भनेका थिए । नेता कोइरालाले सभापति फेरी छलफल गर्ने बताएका थिए । 

कांग्रेसभित्र मुलतः दुई समुह रहेका छन् । यसमा पनि सख्यामा विवाद आउँदा मन्त्रिपरिषद्ले पूर्णता पाउन सकेको छैन । गत शुक्रबार मन्त्रिपरिषद् विस्तार हुँदा कांग्रेसबाट उपप्रधानसहित रक्षा मन्त्रालय सम्हाल्ने गरी उपसभापति पूर्णबहादुर खड्काको नेतृत्वमा प्रकाशशरण महत अर्थमन्त्री, रमेश रिजाल उद्योग वाणिज्य तथा आपूर्ति र सीता गुरुङ सहरी विकास मन्त्री  बनेर सरकारमा सामेल भएका छने भने चार मन्त्री पठाउन बाँकी छ ।

देउवाले सोही दिन शेखर कोइरालाको मनसाय बुझेर उपसभापति धनराज गुरुङ र सांसद डिगबहादुर लिम्बूलाई पनि मन्त्री बनाउन खोजेका थिए । गुरुङ र लिम्बुलाई मन्त्री बनाउने देउवाको संकेत पाएपछि महामन्त्री गगन थापासहितका नेताले ३ मन्त्रालय नलिई सरकारमा जान नहुने अडान राखेपछि यसलाई मिलाउन कांग्रेसभित्र कसरत भइरहेको छ । अब कांग्रेसका भागमा कानुन, न्याय तथा संसदीय मामिला, परराष्ट्र, युवा तथा खेलकुद र स्वास्थ्य तथा जनसंख्या मन्त्रालय छ  । आफ्नो पक्षबाट नेता एनपी साउद र मोहन बस्नेतलाई मन्त्री बनाउने देउवाको तयारी नेताहरुले बताएका छन् ।