नेपाली सेनाको सर्भर ह्याक, आरोपमा स्याङजाका युवक पक्राउ

२४ चैत, काठमाडौं । नेपाली सेनाको सर्भर ह्याक भएको छ । सभर्र ह्याक गरेको आरोपमा स्याङजाको वालिङ नगरपालिका-१० का २१ वर्षीय सागर ढकाललाई प्रहरीले पक्राउ गरेको छ । 

ढकाल पश्चिमाञ्चल इञ्जिनियरिङ कलेजमा स्नातक तेस्रो वर्ष अध्ययरत विद्यार्थी रहेको खुलेको छ । उनले सेनाको सर्भरमा अनधिकृत तवरले प्रवेश गरेर क्षति पुर्याएको पुर्‍याएको आरोप लगाइएको छ । 

‘नेपाली सेनाले आफ्नो साइबर स्पेसमा कसैले अनधिकृत पहुँच पुर्‍याएको भन्दै दिएको सूचनाका आधारमा प्रविधिक विश्लेषण र ह्युमन इन्टलिजेन्सका आधारमा ढकाललाई पाेखराकाे बाटुले चाैरबाट बिहीबार पक्राउ गरिएको प्रहरी प्रधान कार्यालय साइबर ब्यूरोका प्रमुख एसपी पशुपतिकुमार रायले शुक्रबार एक सूचनामार्फत जानकारी दिएका छन् ।

ढकालले सेनाबाट विवरण लगे नलगेको भन्ने विषय खुल्न बाँकी रहेको ति उनले जनाए । उनीमाथि आवश्यक अनुसन्धानका लागि ७ दिन हिरासतमा राख्न प्रहरीले जिल्ला अदालत, काठमाडौंबाट अनुमति पाएको छ । 

उनलाई पोखराबाट पक्राउ गरी काठमाडौं ल्याइएको हो । उनले आफू बसेका घरबेटीको इन्टरनेट प्रयोग गरेर सर्भरमा प्रवेश गरेको प्रारम्भिक अनुसन्धानमा देखिएको बताइएको छ ।

यही बुधबार र बिहीबार गरी मोरङको सुन्दरहरैँचालगायत क्षेत्रका परीक्षा केन्द्रहरुबाट २ सय भन्दा बढी नक्कली परीक्षार्थी पक्राउ परेका थिए । उनीहरुमाथि अनुसन्धान भइरहेको प्रहरीले जनाएको छ । सक्कली परीक्षार्थीहरु पनि पक्राउ पर्ने क्रम जारी रहेको प्रहरीले जनाएको छ ।