पेट्रोल बाेकेर हिँडिरहेका पुरुष नयाँबानेश्वरबाट प्रहरी नियन्त्रणमा

२४ चैत, काठमाडौं । जलेर मर्छु भन्दै ग्यालिनमा पेट्रोल बोकेर हिँडेका एक पुरुषलाई प्रहरीले नयाँ बानेश्ररबाट नियन्त्रणमा लिएको छ । 

मकवानपुरका ५३ वर्षका ती पुरुषले मर्छु भन्दै २ वटा ग्यालिनमा पेट्रोल बोकेर हिँडिरहेको अवस्थामा फेला पारी शुक्रबार दिउँसाे नियन्त्रणमा लिएको काठमाडौं प्रहरी परिसरले जनाएको छ ।

ति पुरुषलाई प्रहरी वृत्त बानेश्वरमा राखेर थप अनुसन्धान भइरहेको जनाइएको छ । 

यसअघि इलामका व्यवसायी प्रेम आचार्यले आर्थिक संकटका कारण देखाउँदै नयाँ बानेश्वरस्थित संसद भवन अगाडि सडकमा आफ्नै शरीरमा पेट्रोल छर्केर आगो लगाई आत्मदाह गरेका थिए । जुन घटनाका कारण सरकारको चर्को आलोचना भएको थियो ।

उक्त घटनाबारे सरकारले छानबिन टोली समेत गठन गरेर अध्ययन गरेको थियो ।