गैरकानुनी ढंगले अपार्टमेन्ट बनाउदै समिट होटलका मालिक, सडक चर्किएपछि स्थानीयको बिचल्ली
नेपालबहस संवाददाता
चैत २५, २०७९ शनिबार १६:४०:१०
२५ चैत, काठमाडौं । ललितपुरको कुपण्डोल हाइटस्थित समिट होटल तथा अपार्टमेन्ट बनाउने क्रममा वरपरका घर भासिएन थालेपछि त्यहाँ बसोवास गर्ने स्थानीयहरु मारमा परेका छन् । गए राति सो अपार्टमेन्ट वरपरका घर भासिएपछि स्थानीय ज्यानै जाने डरले भागाभाग समेत गरेका थिए । समिटका लगानीकर्ताहरूले यो ठाउँमा पाँच तारे होटल बनाउन थालेका हुन् ।
नक्सा पास नै नगरी र आफूहरूसँग अनुमति समेत नलिई अपार्टमेन्ट बनाउन सुरु गरेपछि आफूहरूको घर समेत भासिन पुगेको स्थानीयको भनाई छ । उनीहरूले आफूहरूको बास बस्ने ठाउँ नभएको भन्दै तत्काल आवश्यक व्यवस्था गर्न पनि माग गरेका छन । सो निर्माणाधीन अपार्टमेन्ट वरपरका एक दर्जन घरका तला जति भासिएका छन् ।
डेरा गरेर बस्नेहरू सबै भागेको र आफूहरू पनि घरमा बस्ने अवस्था नरहेको पीडित स्थानीयले बताएका छन् ।अपार्टमेन्ट बनाउनका लागि सम्बन्धित वडा र अरू कुनै पनि निकायबाट अनुमति नलिएको स्थानीयको जिकिर छ । गैरकानुनी ढंगले अपार्टमेन्ट बनाउने र आफूहरूलाई घरबासविहीन बनाउने पक्षलाई तत्काल कारबाही गर्न पीडित स्थानीयले माग गरेका छन् ।
शुक्रबार साझ अपार्टमेन्ट निर्माणका क्रममा वरपरका घरहरू भासिएपछि भागदौड गर्ने क्रममा कतिपय व्यक्ति घाइते समेत भएका छन् । सडक समेत चर्किएपछि त्यस क्षेत्रका बासिन्दा तनावमा छन् । उनीहरूले आफूहरूको बिचल्ली हुँदा पनि निर्माण कम्पनीले पीडाको सुनुवाई नगरेको भन्दै आक्रोश व्यक्त गरिरहेका छन् । स्थानीयले दबाब दिएपछि अहिले सो अपार्टमेन्टको निर्माणकार्य रोकिएको छ ।
समिटका मुख्य लगानीकर्तामध्येको एक हुन् एनई ग्रुपका निर्देशक रवीन्द्रभक्त श्रेष्ठ । अहिले १६ रोपनी क्षेत्रफलमा फैलिएको समिटको ठाउँमा पाँचतारे होटलसँगै सर्भिस अपार्टमेन्ट र ’ब्रान्डेड रेजिडेन्सी’ पनि बन्ने भएको छ । होटल र अपार्टमेन्टको भाग छुट्टै भए पनि सबै कोठाको व्यवस्थापन भने होटलले नै सम्हाल्ने बताइएको छ । यो परियोजनामा होटलका एक सय २९ वटा कोठा र ४८ वटा अपार्टमेन्ट हुनेछन् । अपार्टमेन्ट विश्वस्तरीय सञ्जाल भएको व्यवस्थापन वा चेनबाट सञ्चालन हुने बताइएको छ । यो कुल परियोजनाको लागत अहिलेसम्म निश्चित अनुमान भने गरिएको छैन ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपधार्मिक पर्यटकीय गन्तव्य बन्दै देवचुली डाँडा
बैशाख १२, २०८१ बुधबार
बन्दीपुरको सौन्दर्यता र मौलिकता कायम राख्न व्यवसायीलाई आग्रह
बैशाख ११, २०८१ मंगलबार
मनाङमा एक वर्षमा २१ हजार पर्यटकको आगमन
बैशाख १०, २०८१ सोमबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
अमिर शेखको भ्रमणलाई लिएर सुरक्षामा कडाई
नेपालबहस संवाददाता
बैशाख १०, २०८१ सोमबार
इलाम उपनिर्वाचनमा कांग्रेस
बैशाख १२, २०८१ बुधबार
नेपाल र कतारबीच सरकारी ६ र निजी क्षेत्रका दुई सम्झौतामा हस्ताक्षर
बैशाख १२, २०८१ बुधबार
कम्युनिष्ट नेताको उत्तरी भ्रमण, नेपालमा बामपन्थी मिलाउने चीनको कसरत
बैशाख १२, २०८१ बुधबार
यस्तो छ आजको विदेशी मुद्राको विनिमय दर
बैशाख १३, २०८१ बिहिबार
आजको मौसम : यी ठाउँमा हुरीबताससहित वर्षाको सम्भावना
बैशाख १३, २०८१ बिहिबार
दिल्लीले चार रनले हरायो गुजरातलाई
बैशाख १३, २०८१ बिहिबार
यस्तो छ तपाइको आजको राशिफल
बैशाख १३, २०८१ बिहिबार
बागमती मन्त्रिपरिषद् बैठक : लैङ्गिक तथा यौनिक अल्पसङ्ख्यक नीति स्वीकृत
बैशाख १२, २०८१ बुधबार
स्याङ्जामा आगोले पाइप जलेपछि खानेपानीको समस्या
बैशाख १२, २०८१ बुधबार