सन्दीपविरूद्धकाे मुद्दामा पीडितकाे स्वास्थ्य परीक्षण गर्ने चिकित्सकसहित ३ साक्षी झिकाउन आदेश

२६ चैत, काठमाडौं । एक नाबालिग बलात्कारको आरोप लागेका क्रिकेटर सन्दीप लामिछानेविरूद्धको मुद्दामा सरकारी साक्षी बुझ्न आदेश भएको छ । आइतबार काठमाडौं जिल्ला अदालतका न्यायाधीश शंकरराज बरालको  एकल इजलासले दुई जना सरकारी साक्षी बुझ्न आदेश दिएको हो । 

लामिछानेका वकिल मुरारी सापकोटाले वादी पक्षले दुई जना साक्षीको वकपत्र नभएकाले तिनलाई बुझ्ने आदेश गरिपाउँ भन्दै निवेदन दिएका थियो । साथै पीडित नाबालिकाको स्वास्थ्य परीक्षण गर्ने चिकित्सकलाई पनि वकपत्रका लागि झिकाउन आदेश भएको छ ।

पीडितको स्वास्थ्य परीक्षण गर्ने चिकित्सक बिदामा रहेका बेला उनको सट्टामा अर्को डाक्टरको वकपत्र गराइएको देखिएकाले पुनः वकपत्र गराउन आदेश भएको हो ।

गत फागुन १५ गते फास्ट ट्र्याकबाट सन्दीपविरूद्धको मुद्दा किनारा लगाउन सर्वोच्च अदालतले दिएको आदेशबमोजिम उनको मुद्दामा अन्तिम सुनुवाइ हुन लागेको हो । 

राष्ट्रिय क्रिकेट टिमका पूर्वकप्तानसमेत रहेका सन्दीपविरूद्ध भदौ २१ गते एक किशोरीले आफूमाथि भदौ ५ गते राति जबरजस्ती करणी गरेको भन्दै गौशाला प्रहरी वृत्तमा जाहेरी दिएकी थिइन् ।

त्यसमा काठमाडौं जिल्ला अदालतले सन्दीपलाई मुद्दाको अन्तिम टुंगो नलाग्दासम्म जेलमा पठाएपनि सन्दीपको निवेदनमा उच्च उदालत पाटनले २० रुपैयाँ धरौटीमा रिहा गरेको थियो । सन्दीप अहिले क्रिकेट राष्ट्रिय टिममा समावेश भएर खलिरहेका छन् ।