रौतहटमा लागेकाे भीषण आगलागी २ घण्टापछि नियन्त्रणमा

२६ चैत, रौतहट । रौतहटमा भीषण आगलागी हुँदा २१ घर पूर्णरुपमा जलेर नष्ट भएका छन् । प्रहरीका अनुसार माधवनारायण नगरपालिका–४ मानपुरको बिसुनपुर्वा गाउँमा आइतबार भीषण आगलागीमा २१ घर जलेर नष्ट भएका हुन् । प्रहरीका अनुसार आगलागीमा मानवीय क्षति नभए पनि पशु र खाद्यान्न लगायत लत्ताकपडा, नगद र गरगहना जलेर क्षति पुगेको छ ।  

मानपुरका स्थानीय जिउत मुखिया विनको घरबाट सल्किएको आगो क्रमशस् अन्य २० घरमा पुगेको थियो । जितउको घरमा खाजा बनाउन लाग्दा आगो सल्किएको हुनसक्ने आशंका गरिएको छ । प्रहरीका अनुसार आगलागीको कारण खुलिनसकेको छैन । आगलागीबाट भएको क्षतिको विवरण आउन बााकी छ । 

आगलागीमा मानवीय क्षति नभए पनि केही खसी, बाख्रा मरेका छन् ।  आगलागी झण्डै २ घण्टापछि नियन्त्रणमा आएको थियो । सुरक्षाकर्मी र स्थानीयहरू मिलेर वारुणयन्त्रको सहयोगमा आगो नियन्त्रणमा लिएका हुन् । आगलागी हुना साथ प्रहरी र दमकललार्य खबर गरेपनि समयमा दमकल नपुग्दा ठूलो क्षति भएको स्थानियले बताएका छन् ।