एमालेले फिर्ता लियो कर्णाली प्रदेश सरकारलाई दिएको समर्थन

२७ चैत, सुर्खेत । नेकपा (एमाले)ले कर्णाली प्रदेश सरकारलाई दिएको समर्थन सोमबार फिर्ता लिएको छ ।

एमाले प्रदेश संसदीय दलका नेता यामलाल कँडेले प्रदेश प्रमुखलाई पत्र लेख्दै चैत २७ गते सोमबारदेखि लागू हुने गरी सरकारलाई दिएको समर्थन फिर्ता लिएको जानकारी दिएका हुन् । 

कर्णालीमा (माओवादी केन्द्र)का नेता राजकुमार शर्मा मुख्यमन्त्री छन् । एमालेले समर्थन फिर्ता लिएसँगै शर्मा नेतृत्वको सरकार ढल्ने चर्चा सुरु भएको छ ।

यसअघि एमाले मधेश र बाग्मती प्रदेशबाट बाहिरिइसकेको छ ।